صبري عبد المنعم: صديقي نصب عليا بعد ما قلتله عايز أبيع الشقة وأسيب فلوسها للعيال قبل ما أموت
كشف الفنان صبري عبد المنعم تفاصيل تعرضه للنصب، على يد أحد أصدقائها، إذ أشار إلى أنه فكر في بيع شقته الخاصة حتى يوزع أموالها على أبنائه، وذلك بعد أن تعرض لوعكة صحية شديدة في الفترة الماضية، لذلك أراد أن يطمئن أبناءه ويترك لهم أموالا ليؤمن مستقبلهم.
وقال صبري عبد المنعم في حواره مع القاهرة 24، في أول ظهور له بعد تعرضه للنصب: عملت عملية وركبت جهاز لتنظيم ضربات القلب، ولما خرجت من المستشفى قعدت في البيت لإني بتعرض لهزات صحية ونوع من الزهايمر المؤقت، ففي فترة مرضي طلبت من صديقي يبيع لي الشقة.
تفاصيل النصب على صبري عبد المنعم
وتابع صبري عبد المنعم: قلت لصاحبي عايز أسيب الفلوس للعيال دي اللي طلعت بيها من الدنيا، فقالي هشوف لك مشتري وخد مني العقود كلها، وجاب لي عقد إن فيه شركة سعودية اشترت الشقة، وثقت فيه وجه في يوم قالي هيدويلك شيك مصرفي مقبول الدفع، والبنك قِبل الشيك، وقالي هيتحصل بعد 45 يوم ما بين مصر والسعودية ووقعت على العقد، وكل شوية أسأل البنك يقولولي لسه، وبعد فترة البنك كلمني وقالولي الشيك في بيانات غلط ومش مظبوط، التوكيل أنا عامله لواحدة تانية مش الشركة وعرفت إني ضحية عملية نصب.
وأضاف صبري عبد المنعم: اتقِ شر من أحسنت إليه، عمري ما خوّنت حد ولا شكيت في حد، واسألوا عليا في الوسط، مش عايز أفقد البراءة اللي جوايا وثقتي في الناس.. الحمد لله على كل شيء.
