والد بغدودة عن مبادرة نجيب ساويرس: مش عارف أوصل لابني.. والناس بتستهزأ بمشاعري
علق فؤاد بغدودة، والد المصارع أحمد بغدودة، على مبادرة رجل الأعمال المعروف نجيب ساويرس الذي طالبه بالعودة إلى مصر.
والد بغدودة عن مبادرة نجيب ساويرس: مش عارف أوصل لابني
وقال والد المصارع أحمد بغدودة لـ القاهرة 24: ابني مش موجود معايا ومش قادر أوصله عشان أعرض عليه مبادرة نجيب ساويرس.
وأضاف: قفلت تليفوني عشان ناس كتير حاولت تتواصل معايا، ولكن الموضوع وصل للاستهزاء، كل واحد بيكلمني بيستهزأ بمشاعري، ٱنا عايز أقفل نت كمان، بس خايف ابني يكلمني ميعرفش يوصلي، فيخاف تاني.
واختتم والد المصارع أحمد بغدودة: محدش يقدر يعرّض ابني لمسألة قانونية، ابني خرج بشكل سليم وبتأشيرة سليمة.
وكان نجيب ساويرس كتب عبر حسابه الرسمي على تويتر في وقت سابق: ارجع وأنا هصلح كل اللي ضايقك.. احنا ولاد بلدك عايزينك.
وقال والد المصارع أحمد بغدودة لـ القاهرة 24 في تصريحات سابقة: أنا تعبت ومش عارف أنام الأيام الأخيرة بسبب اللي بيحصل ده، وابني مش هيظهر ومش هيكلمني طول ما الدنيا مشعللة، وفوجئت بالحديث عن حصول نجلي على 7 آلاف جنيه شهريًا، واضطريت أتكلم عن المعاملة التي تعرض لها ابني، بعد ما أشخاص من اتحاد المصارعة وجهاز المنتخب اتكلموا عنه بحاجات محصلتش.
ويمكنك مطالعة كل تصريحات فؤاد بغدودة والد المصارع أحمد بغدودة بعد اختفائه من هنا
