أحمد أمين: دخلت مجال الفن متأخر جدا.. ولو مكنتش ممثل كنت هبقى مدرس أطفال
كشف الفنان أحمد أمين، عن المهنة التي كان سيعمل بها في حال عدم دخوله الوسط الفني، بجانب حديثه عن علاقته بـ أبنائه، وتعليقه على نجاح مسلسله الصفارة الذي عُرض في موسم رمضان ماضي 2023 وردود أفعال الجمهور.
ورد أحمد أمين على تساؤلات الجمهور حول أحداث مسلسل الصفارة وبالتحديد عن ما حدث في جمصة، وذلك خلال حواره مع الإعلامي رامي رضوان في برنامج مساء DMC، قائلًا: نسأل الكُتاب بقى أنا معرفش إيه اللي حصل من ساعتها، وناس كتير كلموني علشان يعرفوا إيه اللي حصل في جمصة وأنا نفسي معرفش إحنا كنا بنهزر والموضوع كِبر.
أما عن المهن التي كان سيمتهنها إذا لم يدخل الوسط الفني، فعلق أحمد أمين قائلًا: لو لم أكن ممثلًا كنت هكون مُدرس أطفال أدرس لهم لغة عربية، وبتبسط أوي لما بيكون معايا طفل في مشهد ونتفاهم ونطلع شغل بتبقى أسعد أيامي في التصوير.
وتابع أحمد أمين: أنا دخلت المجال متأخر جدًا، ولو دخلت بدري كان ممكن أعمل أعمال مش حلوة ومش بنفس النضج، واحتمال لو كنت بدأت بدري كان هيأثر على نضجي، وأتمنى أن اللي جاي أتمنى فيه الحاجات اللي كانت مزعلاني زي الكسل.
أحمد أمين: المرأة العلاج الظريف للطفل اللي جوا الراجل
وأجاب أحمد المرأة على سؤال الإعلامي رامي رضوان، حول ما تمثله المرأة بالنسبة لـ أحمد أمين، قائلا: المرأة هي العلاج الظريف للطفل اللي جوا الراجل، وهي ماما ومراتي وإخواتي البنات الكبار وبيعرفوا يدادو.
وأضاف: أنا زوج يمكن عاقل ولو قولت رومانسي هتقفش، وبكون حريص على إني أكون صديق أولادي بالمعنى الشامل للصداقة.
وأكد أحمد أمين أنه يسعى دائمًا لتقديم الأفضل، موضحًا: بغير من الأفضل مني أحيانًا وبتعلم حاجات وبتبسط لما بشوف حد أحسن مني وببقى عايز أعمل حاجة كويسة.
