هشام عاشور لـ منتقديه: قبل ما أتجوز نيللي كريم قالتلي أنت ممثل تقيل والناس هتقارنك بيا
علق لاعب الاسكواش والفنان هشام عاشور على الانتقادات التي يواجهها، بسبب زعم عدد من مستخدمي مواقع التواصل الاجتماعي دخوله مجال التمثيل بمساعدة زوجته الفنانة نيللي كريم.
وقال هشام عاشور، خلال لقائه مع برنامج et بالعربي: قبل ما نتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية.
وأردف: لو جيبت حد النهارده حطيته قدام مخرج ومنتج ومؤلف وتقوله ده هيمثل معاك، مهو دول مش هُبل، مفيش حد بيحط الفلوس دي كلها ولا بيغامر معاه نجوم كتير ويحط حد يبوظله اللعبة.
وأشار هشام عاشور إلى أنه يتعاون مع زوجته نيللي كريم في مسلسل روز وليلى المقرر عرضه خلال الفترة المقبلة على منصة شاهد، ويلعب خلال أحداث المسلسل دور زوجها، وقال: دوري مش كبير أوي وهو جوز نيللي، مسلسل روز وليلى لذيذ جدًا وأعتقد الناس هتطلب منه جزء تاني وتالت واتصور بطريقة مختلفة واتعمل بطريقة مختلفة.
أعمال هشام عاشور الجديدة
أما عن أعماله الجديدة، أوضح هشام عاشور أنه يشارك في فيلم جديد بعنوان الفهد، وهو ينتمي لنوعية الأعمال الأكشن، بالإضافة إلى تعاونه للمرة الثالثة مع نيللي في فيلم بعنوان برشامة وينتمي لنوعية الأعمال الكوميدية.
