بسبب الضغط النفسي.. إصابة البلوجر نديم بهاء بالتأتأة: متشلش فوق طاقتك عشان متبقاش زيي
نشر البلوجر نديم بهاء، والذي يتابعه نحو مليون متابع، عبر صفحته بموقع التواصل الاجتماعي فيسبوك، مقطع فيديو له وهو مصاب بالتأتأة الشديدة، حيث ظهر وهو يحاول أن يتحدث ليصل رسالة للشباب، ولكن كان بصعوبة بالغة بسبب حديثه المتقطع، والذي أوضح أن ذلك بسبب الضغط النفسي.
البلوجر نديم بهاء
وقال البلوجر نديم بهاء، خلال المقطع عبر صفحته: أنا عارف إن الكلام تقيل شوية معايا بس أنا جاي أقولك بلاش تخلي الضغط النفسي يحطك في حاجات مش كويسة، أنا اكتشفت إن 90% من الناس اللي بيجيلها أمراض وحشة بسبب الضغط النفسي.
وأضاف البلوجر نديم خلال حديثه المتقطع بسبب إصابته بالتأتأة: للأسف الشديد بنزود على نفسنا ضغوطات أكبر من سننا واستيعابنا، وبنبقى فاكرين إن ده بقى الشطارة، ولكن ده غلط تمامًا، انت ليك ليمت معين، ده آخرك مش شطارة إن أنت تقعد تزيد على نفسك أعباء.
نديم بهاء
وتابع البلوجر نديم بهاء: ممكن توصل لمرحلة نفسية صعبة تخليك مش قادر تمشي ومش عارف تتكلم، مع أن أنت عضويا معندكش حاجة بنسبة 100%، خلي بالك من صحتك ومتشيلش نفسك ومتسمعش كلام الناس خد الريسك، وتشيل نفسك فوق طاقتك متعملش كدة خالص، أنت ليك ليمت معين متعديهوش، لا يكلف الله نفسا إلا وسعها عشان متبقاش زيي.
ولقى المقطع المحزن رواجًا واسعًا عبر موقع التواصل الاجتماعي فيسبوك، وتخطى المليون مشاهدة، بالإضافة إلى تعليقات رواد منصة السوشيال ميديا التي مُزجت بين الحزن والدعاء له بالشفاء، ونصائح تخص التعافي من الإصابة بالضغط النفسي الذي يمكن أن يهدد حياة الفرد.
وكان من ضمن 16 ألف تعليق، تعليق نديم، قائلا: بلاش تشيل نفسك الهم وفوق طاقتك، مهما تحاول تجري وتسبق الزمن لأنك مش هتاخد غير رزقك، وإلى ربنا كاتبه هيجي في الوقت الصح.
