حسن شاكوش: طول ما فيه شرع ربنا هتجوز مرة واتنين وتلاتة
كشف الفنان حسن شاكوش أنه يفكر في الزواج مرة أخرى، بعد أزمته الأخيرة مع زوجته والتي أثارت حالة كبيرة من الجدل في الفترة الماضية، بعد أن وصلت إلى المحاكم، مؤكدا أنه لا يمانع في الزواج لعدة مرات.
وتداول مستخدمو مواقع التواصل الاجتماعي فيديو، لـ حسن شاكوش من حفل زفاف شقيقة عمر كمال، الذي أقيم أمس في السويس ظهر فيه شاكوش وهو يرقص بشكل هستيري ويردد: بنعمل اللي علينا والباقي على ربنا، طول ما إحنا عايشين هنتجوز مرة واتنين وتلاتة طالما في شرع ربنا.
حسن شاكوش يعلن اعتزامه الزواج مرة أخرى
وفي السياق ذاته، كان شاكوش تحدث عن أزمته مع زوجته ريم طارق، حيث قال في لقاء تلفزيوني: أي حاجة شخصية مش هينفع اتكلم فيها لأن في الأول والآخر لو اتكلمت هتكلم على عِرضي ودي حاجة شخصية بيني وبين بيتي، واللي حصل معانا حسد، لأن الفرح بتاعي أكيد لازم يتحسد، وأكيد فرحي اتحسد وكلنا اتحسدنا والحمد لله على كل شيء.
وتابع شاكوش: يا ريت اللي بيتكلم يقول كلمة الحق في الأول والآخر اللي هتعمله هيقعد ليك ولعيالك وطالما ماشوفتش حاجة ماتتكلمش، لأن لو ظملت هتتظلم في أعز ما ليك، فاتقي الله في عيالك وفي نفسك وفي بيتك وما تتكلمش على حد ما دخلتش بيته.. ولما قُلت عبستك إزاي وأنت مش بستاني، كنت بهزر.
