أول تعليق من حورية فرغلي على خطوبتها من نزار الفارس: بقيت من ضحاياه
أعربت الفنانة حورية فرغلي عن غضبها الشديد بسبب إعلان الإعلامي العراقي نزار الفارس خبر خطبتهما، مؤكدة أن هذا أمر عارٍ تمامًا من الصحة، وأن جميع الصور والفيديوهات المنتشرة لهم كانت بعد تصوير حلقة برنامجه أمس الأحد وليس حفل خطبتهما.
حقيقة خطوبة حورية فرغلي ونزار الفارس
ونفت حورية فرغلي في تصريحات تلفزيونية خطبتها من الإعلامي نزار الفارس، موضحة أنه يريد أن يتصدر التريند، قائلة: أنا أول مرة أشوفه في حياتي كان امبارح وقت تصوير الحلقة، هو في حد بيتجوز حد أول ما يشوفه؟ ليه يقول من ورايا خبر، هو كان بييجي مصر يعمل لقاءات علشان يبقى تريند، والمرة دي كمان عايز يبقى تريند، أنا حتى معرفش نمرة تليفونه.
أول تعليق من حورية فرغلي على خطوبتها من نزار الفارس
وتابعت حورية فرغلي: أنا ممكن أرفع قضية فعلًا والعمارة كلها شاهدة، يعني ازاي بيقول كده أنت جاي عايز تعمل بروباجندا وأنا واحدة من ضحاياك وحسبي الله ونعم الوكيل فيك، وأنت راجل محترم وأنا مش هشتم فيك ولكن مش من حقك تجيب خبر عني شخصي تقوله من غير ما تاخد الكلام مني.
وأضافت حورية فرغلي: أنا ممكن أرفع عليك قضية رد شرف، إفرض أنا متجوزة في السر، أنا مش مرتبطة ولا مخطوبة ولا في حد في حياتي ولما أتجوز الدنيا كلها هتعرف لأني هكون فخورة جدًا بالشخص اللي اخترته، والفيديو والصور كان بعد ما خلصنا اللقاء، وبجد أنا تعبت من كل اللي بيحصل ومش عارفة أعمل إيه في نفسي.
واختتمت حورية فرغلي حديثها قائلة: أنا مش ندمانة إني عملت اللقاء لأن لو مكنتش عملته مكنتش هعرف أن في ناس ممكن تعمل كده وأنا اتعلمت من امبارح، أنا على نياتي خالص ومكنتش عارفة إني بتصور وأنا برقص وبسمع أغنية ماجد المهندس.
