عمري ما طلبت شغل من حد ومبيجيليش أدوار خالص.. أبرز تصريحات مروة عبد المنعم
حلت الفنانة مروة عبد المنعم ضيفة في برنامج واحد من الناس، الذي يقدمه الإعلامي عمرو الليثي عبر شاشة قناة الحياة، وتحدثت خلال اللقاء عن حياتها الشخصية وسبب ابتعادها عن الوسط الفني.
ونرصد لكم أبرز تصريحات مروة عبد المنعم في برنامج واحد من الناس:-
- عمري ما رفعت التليفون وطلبت شغل من حد، وكنت بشتغل كويس، ولكن فجأة كل الدنيا وقفت مروة واحدة ومحدش بيبعتلي أدوار خالص دلوقتي.
- عملت مشروع المسرح بتاعي ومحدش من زملائي في الوسط اتصل عليا يباركلي، والشلالية هي اللي بتحكم الوسط للأسف.
- كان في إشاعة بزواجى من الفنان أحمد عزمي، والحقيقة إني متجوزتش غير مرة واحدة من بابا الأولاد وانفصلنا.
- مسلسل أم كلثوم كان أول عمل ليا ووالدى فوجئ بالناس بتقوله بنتك بتمثل فى مسلسل أم كلثوم، وكان رد فعله صعب جدًا وجابني من شعري على السلالم وحبسني في الفيلا بتاعتنا في البلد.
- لما والدي حبسني في الفيلا بعد ما طلعت في مسلسل أم كلثوم، قُلت إني هنتحر وهربت من البيت روحت لماما في ميت غمر، وقُلت ليهم أنا همثل ومش عاوزه منكم حاجة، واشتغلت مندوبة مبيعات في الشارع علشان أصرف على نفسي.
- أقنعت بابا إني أكمل في المعهد قسم إخراج وقٌلت ليه أنا ماضية 4 مسلسلات ولو معملتهمش هتحبس، ومكنش في مسلسلات.
- مبتمناش بنتي حور تدخل مجال التمثيل، علشان مجال متعب جدًا وصعب وهياخد من حياتها كتير.
- أنا سميت ابني يحيى على اسم الفنان يحيى الفخراني، لأني وقت ما حملت كنت بعمل مسلسل عباس الأبيض وقُلت ليه لو طلع ولد هسميه على اسمك لأني بحبه جدًا.
