واعظة بالأوقاف تحذر من أخطاء جسيمة يقع فيها الآباء أثناء تربية أبنائهم
قالت الدكتورة وفاء عبد السلام، الواعظة بوزارة الأوقاف، إن هناك إشكالية كبيرة وأخطاء جسيمة في تربية الأبناء يقع فيها الوالدين، مما يتسبب فى إفساد التربية، موضحة: تفضل الأم تعلم أولادها إنهم يكونوا حينين على بعض، وتيجي في لحظة وقدام الأولاد تقول لزوجها من ساعة لما أختك زارتنا وحياتنا نكد، الطفل هنا شاف الكلام مهما تعلمي فيه لما يكبر هيتعامل مع أخته بنفس طريقتك مع زوجك.
واعظة بالأوقاف: لازم نعلم أولادنا الآداب المحمدية
وتابعت الواعظة بوزارة الأوقاف، خلال حلقة برنامج البيت، المذاع على فضائية الناس، اليوم الثلاثاء: تلاقي الأم والأب عمالين يعلموا أولادهم عدم الكذب ولازم يكونوا صادقين دائما، تبص تلاقى التليفون رن، تلاقي أحدهما يقول قول مش موجود، أنتم كده علمتوه الكذب وأنتم لا تشعرون، لأن الأولاد بيأخذوا القدوة من والديهم، وهو ده اللى هيتعاملوا به لما يكبروا.
واستكلمت: لازم نخلي بالنا من الأمور دي ونعلم أولادنا الآداب المحمدية، دي اللى هتنجيهم من البلاء والابتلاء، سيدنا النبي بعث لإتمام مكارم الأخلاق، لازم نخلي الأولاد تبقى تعاملاتهم مع ربنا ويعرفوا إن ربهم شايفهم.
