المتهمة تنازلت عن جسمها.. التحقيقات في اتهام جمال اللبان بإقامة علاقة جنسية وتقديم رشاوٍ بقضية فساد جديدة
جمال اللبان، كعب داير في المحاكم منذ 5 سنوات، وحصل القاهرة 24، على التحقيقات في قضية فساد جديدة، متهم فيها جمال الدين محمد إبراهيم اللبان، 54 سنة، مدير الإدارة العامة للتوريدات السابق بمجلس الدولة، بالاستيلاء على أكثر من 73 مليون جنيه من أموال جهة عمله، من خلال صفقات فساد عقدها مع 5 رجال أعمال بينهم سيدة شاركوه الجريمة.
اعترافات جمال اللبان بقضية فساد جديدة
وجاءت أقوال المتهم الرئيسي بالقضية كالتالي..
س: اسمك وسنك وعملك؟
ج: جمال الدين محمد إبراهيم اللبان – 54 سنة – مدير الإدارة العامة للتوريدات بمجلس الدولة.
س: ما هو قولك فيما هو منسوب إليك من اتهامات؟
ج: محصلش.
س: ما دورك الاختصاصي في المناقصة الخاصة بالعام المالي 2016/ 2017؟
ج: تم إسناد بنود المناقصة إلى مؤسسة الخلود للأثاث المكتبي الشركة الرئيسية التي من خلالها تمت جميع الجرائم في القضية، وباشرت عملية الإسناد بناء على جزء من اختصاصاتي، وحررت شيكات بالمستحقات المالية لصالح الشركة.
س: هل أقمت علاقة جنسية مع المتهمة رباب مالكة هذه الشركة؟
ج: نعم.. أقمت علاقة جنسية كاملة أكثر من مرة... ولكن مكنش للعلاقة دي أي علاقة بالعمل نهائي.. لأن اتفاقها كان مع وائل. ش الذي توفي منتحرا عقب القبض عليه، ومكنش معايا، وهو اللي أخد منها الرشوة الجنسية ورشوة فلوس، ورشوة الفلوس كانت عن طريقي وأنا معترف بيها.
س: ما قولك فيما قررته المتهمة رباب من أنك واقعتها جنسيا بمسكنها وبوحدة بمنتجع بورتو السخنة وبمسكن خاص بك؟
ج: الكلام ده مضبوط... بس محصلش إني واقعتها بمسكن خاص بي.
س: ما قولك فيما قررته المتهمة رباب من إن العلاقة الجنسية كانت مقابل إتمام التوريدات لشركتي زوجها ولصالحها؟
ج: الكلام ده مش صح... واللي جبها ودخلها المجلس وأداها الشغل هو الأمين العام وائل. ش، وهي كانت بتتفق معاه وأنا مليش علاقة بالموضوع دة نهائي.
س: كيف وافقت على ذلك؟
ج: كل المجلس عارف إن وائل. ش هو اللي جبها وهو اللي بتتفق على الأسعار معاه وهو اللي بيدخلها المناقصات.
س: وكيف وافقت على العلاقة الجنسية بين وائل. ش وبين المتهمة رباب؟
ج: هي قالت لي إنه طلب منها علاقة جنسية وإنه عمل معاها حاجة في مكتبه، وإنها مضطرة تقدم له نفسها علشان شغلها، وبعدها هو قالي أنه عايز يديها شغل توريدات فأنا إتأكدت من كلامها.
س: ومها هو مضمون الحديث الدائر بينكما في هذا الشأن؟
قضية فساد جمال اللبان
ج: هو في أحد الأيام كنت أنا ورباب ووائل. ش في مكتبه، ولقيته بيوزعني وبيقولي إنزل شوف العمال في الدور الرابع عملوا أيه علشان هنزل أعدي، بس كان باين من طريقة كلامه إنه بيوزعني، وبعد كدة لما قابلتها سألتها لأن طريقة التوزيعة كانت واضحة، وفهمت من كلامها إنه اتحرش بيها وطلب منها رشوة جنسية علشان تأخذ أعمال توريدات.
س: ما علاقتك بالمتهم الثالث محمد. أ 44 سنة – صاحب شركة دريم؟
ج: وائل. ش عينه للحصول على مبلغ مالي كرشوة وتقديمه له وذلك مقابل إدخال شركة الخلود لمناقصات، وهو كان بيتفق مع رباب على الأسعار اللي تقدمها في المناقصات علشان يتم قبولها.
س: هل لك ثمة دور في الاتفاق على تلك الأسعار؟
ج: خالص.. إطلاقا.
س: هل لك ثمة دور في إرساء تلك المناقصات على مؤسسة الخلود أو لصالح المتهمة؟
ج: لأ.. مليش أي دور خالص.
س: هل جرت بينك وبين أي من ممثلي الشركات المدعوة للمناقصات أي اتفاقات بخصوص الأسعار؟
ج: لأ.. خالص
س: هل قمت بالاتفاق مع آخرين على تقديم أسعار بعينها بتلك المناقصات؟
ج: لأ خالص.. وائل. ش هو اللي كان معاه الأسعار وأنا ما اتفقتش على أي أسعار مع أي شركة.
س: هل اتفقت مع أي من ممثلي تلك الشركات على التقدم بأسعار معينة بشأن عرض بنود المناقصات لإرساء المناقصات على شركة الخلود؟
ج: لأ خالص.. أنا أصلا معرفش القيمة.
س: هل كلفك وائل. ش بإملاء أسعار بنود بما يجري من مناقصات على شركات بخلاف شركة الخلود؟
ج: أيوة حصل.
س: ما الشركات التي طلب منك إملاء أسعار عليها؟
ج: مش فاكر.. بس هم شركات كتير تبع المتهمة رباب كانت صورية علشان إجراء المناقصات وترسيتها عليها في النهاية هي وزوجها.
