أمين الفتوى: وقوع يمين اللغو ليس له كفارة
أجاب الدكتور محمد عبدالسميع، أمين الفتوى بدار الإفتاء المصرية، على سؤال متصلة مفاده بان زوجها يحلف كثيرا وقد يقع الحلف هل عليه كفارة؟.
وقال أمين الفتوى بدار الإفتاء المصرية، خلال حلقة برنامج فتاوى الناس، المذاع على فضائية الناس، اليوم الثلاثاء: إحنا لازم نعرف الفرق بين الحلف، فيه حلف اسمه يمين اللغو، وده مفيش عليه كفارة يعنى إزاى أنت دون قصدك تحلف، ولا تحقق نية الحلف، مثلما لما تقول لصاحبك والله لتتغدى معايا، يقولك والله اتغديت، مفيش كفارة ولا حاجة.
الحلف الذي عليه كفارة
وتابع: إنما الحلف اللى عليه كفارة، اللى هو أقول والله ما أنا عامل كذا، وقاصد عمل الفعل، وتيجى تعمل الفعل، والفقهاء هنا بيقولوا إنك لو نسيت فخلاص معلكش كفارة، كمان لو حلفت على حاجة 3 أربع مرات عليك كفارة واحدة، والكفارة إطعام 10 مساكين، يعنى أقل حاجة 200 جنيه، طيب مفيش فلوس يبقى نصوم 3 أيام.
واعظة بالأوقاف تحذر من أخطاء جسيمة يقع فيها الآباء تفسد الأبناء
على جانب آخر، قالت الدكتورة وفاء عبد السلام الواعظة بوزارة الأوقاف، إن هناك إشكالية كبيرة فى تربية الأبناء وأخطاء جسيمة يقع فيها الوالدين أثناء التربية، مما يتسبب فى إفساد التربية، موضحة: تفضل الأم تعلم أولادها إنهم يكونوا حنين على بعض، وتيجى فى لحظة وقدام الأولاد تقول لزوجها من ساعة لما أخت زارتنا وحياتنا نكد، الطفل هنا شاف الكلام مهما تعلمى فيه لما يكبر هيتعامل مع أخته بنفس طريقتك مع زوجك.
