منى زكي تكشف تراجعها عن مسلسل مستوحى من الحاجة صيصا بسبب روجينا: قولنا عيب
كشفت الفنانة منى زكي كواليس تحضيرات مسلسل تحت الوصاية الذي حققت من خلاله نجاحًا كبيرًا في موسم دراما رمضان 2023، وذلك خلال استضافتها في برنامج Sold Out الذي يقدمه الإعلامي محمود سعد، على منصة Watch IT.
كواليس مسلسل تحت الوصاية
وقالت منى زكي: مكنش عندي وقت طويل أذاكر مشروع تحت الوصاية؛ لأني كنت بعمل مشروع تاني خالص وبحضرله وبيتطلب إني أكون راجل وكان مستوحى من قصة الحاجة صيصا ولكن مش قصتها.
وأضافت: هي ست مصرية بسيطة جدًا جوزها توفى وعندها أولاد وقررت عشان تعرف تشتغل شغلانة صعبة وهي في البناء من غير ما حد يضايقها ولا يعاكسها ولا يبصلها بصة أقل، قررت تلبس لبس رجالة وعاشت سنين وسط الناس من غير ما حد يعرف إنها ست، وسيادة الريس كرمها عشان يبين قد إيه إننا بنحترم قوة الست وأيا كانت الظروف اللي عايشة فيها.
وأردفت منى زكي: وكنا بنعمل ده وبندور على ماكيير من بره وأغير شكلي تمامًا وأبقى راجل وبتكلم مع المخرج محمد شاكر خضير.
منى زكي: غيرنا القصة لما عرفنا بتحضيرات روجينا له قبلنا
وتابعت منى زكي: لما عرفنا إن روجينا ابتدت في المشروع من قبلنا قولنا لا عيب ولازم نغير وغيرنا فعلا وكانت نفس الحدوتة تقريبًا، ولكن مخليناش إنها راجل وخليناها زي ما هي، وبينا إن الست مش محتاجة تتخفى في حاجة عشان تبين قوتها.
