منى زكي: أستعين بمدرب تمثيل في أدواري وبأحمد حلمي بالأعمال الكوميدية
كشفت الفنانة منى زكي تفاصيل استعانتها بمدرب تمثيل في أعمالها الفنية، مشيرةً إلى أنها لا تشعر بحرج عندما تعلن ذلك الأمر، كما أنها تستعين بزوجها الفنان أحمد حلمي في الأدوار الكوميدية اللايت.
وقالت منى زكي خلال حوارها في برنامج Sold Out: بعد ما بقرأ الدور بيبقى معايا مدرب تمثيل، بيساعد على تمرين الممثل عموما واستخدام الأدوات واستحضار الإحساس وعيش لحظة حقيقية والارتجال، كل ما بيبقى عندي دور بروح لمدرب تمثيل، وبغير المدربين مع كل دور؛ لأني بحس إني محتاجة تكنيك حد مختلف يعلمهولي.
وسألها الإعلامي محمود سعد: مفيش حرج لما تقولي؟ لتجيبه منى زكي: لا خالص.
وأردفت منى زكي: أنا بعمل معايشة وبفتح عيني، ومن خلال كلام مدرب التمثيل بتصور الشخصية من وهي طفلة لحد ما بنشوفها في المسلسل وبتعايش مع نفسي.
منى زكي: أستعين بأحمد حلمي في أدواري اللايت كوميدي
وأشارت منى زكي إلى أنها تستعين بزوجها الفنان أحمد حلمي في الأدوار اللايت كوميدي التي تعرض عليها، مثلما حدث معها في فيلم من 30 سنة، وقالت: فجأة وأنا في البيت قولت لأحمد عايزة للدور ده شعر حلمنتيشي بتاع الناس اللي فاكرين نفسهم شعراء أوي وهما مفيش موهبة خالص، وكلمت أيمن بهجت قمر وقولتله عايزة شعر بعنوان (ماعونتش) وابتدى يكتب الشعر ده، ساعات لما بيبقى فيه حاجة لايت بستشير أحمد.
