منة فضالي: اتجوزت بالعِند في أمي.. ومعنديش حاجة ناقصة علشان أكون زوجة تانية
تحدثت الفنانة منة فضالي، عن زيجاتها السابقة، مُشيرة إلى أن والدتها لم تكن راضية عن هذا الزواج، كما أنها لا تقبل أن تكون زوجة ثانية.
وقالت منة فضالي، في تصريحات تليفزيونية: الزواج كان تحدي لأن أمي مكانتش موافقة وأنا كنت واخداه عِند، ولكن البنات بتفهم المشاعر أكتر، ومش كل اللي بنحس بيه بجد، والحب بييجي في سن معين، وأنا ضد اللي بيتجوزوا بدري وببقى واثقة إن علاقتهم هتفشل.
وعن قبولها أن تكون زوجة ثانية، علقت منة فضالي قائلة: مينفعش أبدًا أبقى زوجة تانية أنا معنديش حاجة ناقصة علشان تخليني أبقى زوجة تانية، ممكن أكون زوجة تانية لو هو مُطلق أو مراته متوفية.
منة فضالي: عمري ما اتعرضت للتحرش
وأكدت الفنانة منة فضالي أنها لم تتعرض للتحرش الجسدي في حياتها، قائلة: عمري ما اتعرضت للتحرش ومحدش يقدر يجي ناحيتي أنا بلعب Kickboxing اللي يفكر يتحرش بيا هياخد أكبر بوكس في حياته، هما بيتحرشوا بيا لفظيًا بكلام مش لطيف، وساعات كنت برد.
كما أعربت منة فضالي عن عشقها للكلاب، معلقة: الكلاب أحسن من البني آدمين في المعاملة، بيحبوني بجد من غير أي مقابل ومش عايزين مني حاجة، بيخافوا عليا وبيحسوا بيا.. الكلب وفي جدًا وأنا ملقتش بني آدم وفي.
آخر أعمال منة فضالي
وحققت منة فضالي نجاحًا كبيرًا من خلال مشاركتها في الموسم الرمضاني الماضي 2023، بـ مسلسل جعفر العمدة، الذي قدمته مع الفنان محمد رمضان.
