منة فضالي: الراجل يعيبه جيبه ولسانه الطويل.. ولو اتعرضت للعنف المنزلي هرد القلم 4
كشف الفنانة منة فضالي عن ردة فعلها وقت تعرضها للعنف الزوجي، مؤكدة أنها اتخذت قرار الانفصال عن قناعة، موجهة نصيحة للسيدات بألا تتزوجن من شخص بخيل.
وقالت منة فضالي، في تصريحات تليفزيونية، عن تعرضها للعنف الزوجي: مش هنقول عنف زوجي ولكن مرة زمان مد إيده عليا ودي كانت صدمة انفصالي، وأنا بشوف الراجل اللي بيمد إيده على الست متخلف، ولو الموقف ده اتكرر دلوقتي كان هياخد القلم ده 3 أو 4، أكتر حاجة بكرها أن حد يمد إيده على وشي.
وذكرت أنها يمكن أن تتزوج شخصا أقل منها على المستوى المادي، متابعة: الراجل يعيبه جيبه ولسانه الطويل، ممكن أتجوز حد أقل من مستوايا المادي ولكن لحد معين.. أكيد مش هاخده أصرف عليه، مش هصرف على الكلاب والبيت وجوزي دي تبقى كارثة، ولازم يعرف يتعامل مع الأطفال.
ووجهت منة فضالي نصيحة للسيدات، قائلة: نصيحتي للستات متتجوزيش راجل أكبر منك، ولا البخيل وعن تجربة، إنتي مش مجبرة تشتغلي أو تأكلي أو تضحكي علشان ترضي حد.
وأضافت: أهم سلاح للست أنها متحسش نفسها قليلة والثقة والاعتزاز بالذات، وفي ستات ناجحة أكتر من الرجالة.
منة فضالي: نجاح شخصية نرجس بينلي نفسنة الناس
وأكدت منة فضالي أنها لا تلتفت للانتقادات، قائلة: مش نجاح شخصية نرجس في جعفر العمدة، بس اللي بينلي نفسنة الناس، في ناس في الشغلانة متضايقين إني باخد الفُرص دي، وسمعت ناس بودني بتقول لأ دي لا تصلُح، ولكن أنا مهتمتش ولا برد.
وعن زيارتها للطبيب النفسي، فقالت منة فضالي: عمري ما روحت لدكتور نفسي إلا لو بسبب دور، ومفيش مانع أورح لدكتور لو تطلب إني أروح لدكتور نفسي مش عيب.
