تنبأ بوفاته منذ أيام..حزن في الأقصر لوفاة شاب بسكتة قلبية مفاجئة
سادت مدينة الأقصر حالة من الحزن على إثر وفاة شاب بسكتة قلبية مفاجئة، أصابته بعدما تنبأ قبل ذلك بأيام قليلة بوفاتة، عبر منشور شاركه على صفحته بموقع التواصل الاجتماعي فيس بوك.
ناعيا نفسه على الفيس بوك
وقال الشاب محمود عبده والبالغ من العمر 25 عاما في منشور على صفحتة منذ أيام: الوضع بقى مرعب كل دقيقة والثانية حد يتوفى تعرفه من بعيد أو من قريب كل شوية تلاقي حد منزل خبر وفاة حد عزيز عليه، بجد بقيت خايف خايف على كل اللي بحبهم وحوليا، فلحظة أفقد حد فيهم الموت مبيفرقش مين صغیر ومین کبیر مين بيبني حياته ومین بيحاول ينجح ومين لا.
خايف دورى يبقى اللي جاي
وأضاف الشاب في منشورة: خايف دوري أو دور حد قريب مني يبقى اللي جاي، الحياة فعلًا طلعت مش مستاهلة أي حاجة من اللي بنعملها غير إننا نحب بعض ونفضل قريبين من بعض خافوا على بعض محدش عارف مين ماشي أمتى، ممكن تبقى لسه قاعد مع صاحبك وسبته وبعدها بشوية تسمع خبر وفاته ممكن يختفي يومين تلاته سواء زعلان أو مشغول تكتشف إنه فالحقيقة مبقاش عايش.
كده كده هنتفرق متستعجلوش
و أكمل الشاب في منشورة: أرجو من أي حد شاف مني موقف وحش أو أي حاجة ضايقته مني يسامحني وأنا مسامح الكل لأن الدنيا فعلا طلعت مش مستهلة أننا نزعل من بعض ونتفرق ليوم واحد لأننا كده كده هنتفرق متستعجلوش.
وأنهالت التعليقات والمنشورات عبر صفحات الفيسبوك من أهالي الأقصر وعائلة الشاب وأصدقائه ناعين الشاب فور سماع خبر وفاته متنوعة ما بين صدمة وحزن وعدم تصديق ممزوجة بالدعاء بالترحم على الشاب الذي وصفوه بالطيب، والدعاء لأخيه وأمه وأخوته البنات أن يلهمهم الله الصبر على مصيبة الفقد.
