استجابة مجموعة مصر إيطاليا لـ منشور فتاة حول عمالة الأمن بمول Garden 8: وضعنا بأماكنهم كراسي وشماسي
تداول رواد مواقع التواصل الاجتماعي عدد من المنشورات، حول عمال الأمن في في مول Garden 8 التابع لمجموعة مصر إيطاليا.
وكتبت جهاد عرابي في منشور لها عبر موقع التواصل الاجتماعي فيسبوك: إمبارح كنت في Garden 8 وأنا طالعة من الجراج رجل الأمن اللي على الباب لما دخلت لقيته واقف مش جنبه كرسي، ولما رجعت وأنا مروحة لقيته واقف نفس الوقفة.. قلت له أنا فاكرة إن كان بيبقى فيه كرسي، وقالي إنهم شالوه وبيفضل واقف الشيفت كله.
وأردفت جهاد: أي مواطن مننا بيروح الأماكن دي يصور المواقف دي من غير ما الناس تظهر ويبعتها لي أو يعمل بوست ونحاول نساعد العمال دي.. هما أصلا معندهمش غير صحتهم يعني لو جاله غضروف ولا ورم في رجله ولا أي حاجة تستلزم علاج المول مش هيسأل فيه.
استجابة مجموعة مصر إيطاليا للمنشور
وتواصل القاهرة 24، مع إدارة المول، وبالفعل تم الرد بالاستجابة؛ حيث تم تجهيز المكان الخاص بعمال الأمن وتزويده بعدد من الكراسي والشماسي، واعتذرت عن الموقف، وبالفعل تم إجراء مراجعة لجميع بوابات المكان، وخصصوا كرسيا لكل فرد أمن.
وأضاف مصدر مسئول بمجموعة مصر إيطاليا: الشركة تهتم بضمان سلامة جميع العمال في جميع مشاريعها، وأنها حريصة على موظفيها، وتعمل من خلال نظام مراقبة جميع الأماكن التي يوجد بها أفراد الأمن، وتوفر لهم الظروف المناسبة، وبالفعل تمت الاستجابة للمنشور، وتهيئة بيئة العاملة لهؤلاء العمال.
ونشرت جهاد عرابي في منشور آخر لها، استجابة المول لمنشورها الأول؛ حيث كتبت فيه: العلاقات العامة الخاصة بمجموعة مصر إيطاليا تواصلت معايا، وأفراد الأمن دلوقتي في الـ outdoor عندهم شمسية ومياه، وإدارة المكان بعتتلي صور للتأكيد، ولكن أنا هروح أتأكد بنفسي إنه مش رد فعل مؤقت وأي حد معدي في أي وقت يصور ويبعتلي.
وأضافت جهاد عرابي: احنا مش هدفنا نقطع عيش حد ولا نعمل أي مشاكل أو نشهر بحد ولا كل الكلام الفارغ ده.. محدش مستفيد حاجة أصلا، احنا عايزين السلوك الطبيعي في التعامل مع كل العمالة في كل حتة في مصر، وشكرا لكل الناس اللي اهتمت بالبوست ويا رب كل الناس تعيش حياة لطيفة بأقل قدر من المتاعب.
