داعية إسلامي: بنشوف ناس بتحجب وتنقب بناتها من عمر خمس سنين وده بيكرّههم في الدين
قال الدكتور يسري عزام، الداعية الإسلامي إمام مسجد عمرو بن العاص بالقاهرة، إن سيدنا النبي كان يتعامل بالرحمة واللين مع كل الناس سواء في بيته أو أسرته أو جيرانه أو مع الناس.
وتابع إمام مسجد عمرو بن العاص بالقاهرة، في تصريحات تليفزيونية، اليوم الأحد: شوفوا كان سيدنا النبي صلى الله عليه وسلم، كان يتعامل كيف مع السيدة فاطمة الزهراء، شوفوا البنات دي رحمة وبركة البيوت يا بخت اللي يرزق ببنت، سيدنا النبي كان يقف ويقبل جبينها ويرحب بها ويقول أهلا بأم أبيها.
شوف سيدنا النبي كان بيتعلم.. وكان رئيس الدولة ساعتها
واستكمل: شوف سيدنا النبي كان يقبل الحسن والحسين، فيقف الأقرع بن حابس، ويقول اتقبلوا الأطفال يا رسول الله، إِنَّ لِي عَشرةً مِنَ الْولَدِ مَا قَبَّلتُ مِنْهُمْ أَحدًا، فنَظَر إِلَيْهِ رسولُ اللَّه ﷺ فقَالَ: مَن لا يَرْحَمْ لَا يُرْحَمْ".
وأضاف: تربية الأولاد على القيم النبوية على مراحل أول سبع سنوات تعليم، وثاني سبع سنوات تربية، وثالث سبع سنوات نصاحبهم، ونحتويهم ونحتضنهم ونكون السند المعين ونكون الصديق الصدوق، ونبين لهم اللي لو عملنا كده هيكون فيها مشكلة، أنا لم أفرض الحجاب على ابنتي ولما وصلت للسن اتحجبت لوحدها، دلوقتي بنشوف ناس بتحجب وتنقب بناتها من عمر خمس سنين، وده بيكرهوهم في الدين.
