ذكرى لطيفة يا رب الفرحة تكمل.. احتفال عدد من مشجعي النادي الأهلي بعيد ميلاد صديقتهم في مدرجات مباراة الأهلي والوداد
تداول عدد من رواد مواقع التواصل الاجتماعي، خلال الساعات القليلة الماضية، صور احتفال عدد من مشجعي النادي الأهلي، بعيد ميلاد صديقتهم، أثناء مباراة الأهلي والوداد المغربي، في إطار ذهاب نهائي دوري أبطال إفريقيا، والمقامة حاليًا على استاد القاهرة الدولي.
عيد ميلاد في مباراة الأهلي والوداد
وأحضر عدد من مشجعي النادي الأهلي تورتة للاحتفال بعيد ميلاد إحدى المشجعات، أثناء تشجيع النادي الأهلي خلال المباراة، وهذا ما أثار تعجب وسخرية رواد موقع التواصل الاجتماعي فيسبوك.
وكتب شهاب الدين، في منشور له عبر فيسبوك: المخرج جايب ناس بيحتفلوا بعيد ميلاد صاحبتهم.. راح مزوم عليهم الكادر، وعلق عدد من المتابعين على المنشور، وكان من أبرز التعليقات: طيب والله فكرة حلوة ومنها ذكرى لطيفة.
وعلق كمال الدين، هما أكيد عارفين مدى حبها للنادي.. علشان كدا شافوا إن دي أكتر حاجة تفرحها وبإذن الله فرحتها وفرحتنا تتم النهاردة.
وقال مؤمن الكزاز، في تعليق له: عادي بيعملوا عيد الميلاد في أي مكان، مرة كنت مروح من الكلية تعبان وركبت الباص ويادوب هنام.. لقيت التورتة طلعت ويالا عيد ميلاد.
وعلقت أخرى قائلة: وايه المشكلة يعني؟ الناس دي هي اللي وجودها طول عمره عادي وبنشوف عائلات وناس رايحة تستمتع وتشجع فريقها ايه المشكلة.. الألتراس هما اللي جداد على المدرج مش العكس، دول من 2005 ولا 2006 إنما الجمهور اللي من كل الأشكال والطبقات ده هو الجمهور اللي بيشجع كورة من يوم مادخلت مصر.. مش لازم تقلل من الناس العادية مش لازم يبقوا رابطة وشباب عندهم 17 سنة يعني عشان يعجبوك.
