أحمد العوضي: أي حياة زوجية ناجحة تعتمد على السرية.. ولا يوجد كرامة بين المحبين
تحدث أحمد العوضي عن أسباب نجاح العلاقات الزوجية خلال استضافته في برنامج صاحبة السعادة المذاع عبر شاشة قناة DMC، والذي تقدمه الفنانة إسعاد يونس.
وأكد الفنان أحمد العوضي أنه في بداية زواجه كان يتصرف بعصبية، موضحًا: في أول الجواز كنت عصبي جدًا وكنت واخد الموضوع كله إني هفرض سيطرتي، ومع الوقت فهمت أن الموضوع شركة ومش عيب إن الراجل ياخد الرأي الصح.
وأضاف أحمد العوضي: أي زواج وعلاقة ناجحة تعتمد على السرية بين الطرفين، وفي الأول ممكن تحصل مشكلة وتحكوا لحد، وممكن تبقى عايز تصالح، ومفيش كرامة بين المحبين، الكرامة ديه تأتي بسبب تدخل بعض الأفراد في العلاقة، وأنا وياسمين في 4 سنين تكيفنا مع بعض.
أحمد العوضي: الرياضة هي عمود الحياة
كما تحدث أحمد العوضي عن حبه الشديد لممارسة الرياضة، ووصفها بأنها عمود الحياة، متابعًا: الرياضة هي عمود الحياة، وهي اللي هتخليك بنى آدم، ولازم تلعب أي رياضة، ولازم طول الوقت أنزل ألعب الرياضة اللي عايزها.
كما نصح أحمد العوضي الشباب، بتجنبهم المواد المخدرة، موضحًا: متروحش لـ سكة المخدرات لإنها بتدمرك، حتى لو شايف إنك بتاخد قليل منها، والعقل هو اللي بيوزن كلامك، حتى لو شقي العقل هو اللي بيوزن كلامك حتى لو بتتخانق.
