أول تعليق من حسام داغر بعد خروجه من العناية المركزة: حمزة العيلي لحقني ودعوات الناس عجّلت بشفائي
حرص الفنان حسام داغر، على طمأنة جمهوره وجميع محبيه على حالته الصحية، بعد مروره بوعكة صحية، في الأيام الماضية، إذ أكد أن دعوات الجمهور له هي من أنقذته، هذا بجانب إصرار صديقه الفنان حمزة العيلي على نقله للمستشفى، بعدما لاحظ إرهاقه الشديد.
وكتب حسام داغر منشورًا، عبر حسابه الشخصي بموقع التواصل الاجتماعي فيس بوك، قال فيه: الحمد لله رب العالمين قدر ربنا ولطف بيا، في الأزمة الصحية اللي مريت بيها اليومين اللي فاتو، ولولا فضل ربنا، وتدخل فريق الأطباء، الحمد لله خرجت من العناية من وضع الحرج اللي كنت فيه، بشكر فريق الأطباء، وبشكر دكتور أشرف زكي لمتابعته الوضع، إلى أن استقرت حالتي الحمد لله، وبشكر أخويا صاحبي حمزة العيلي، لأنه هو اللي لحقني وأصر ونقلني المستشفى من البيت، وأنا تعبان هو وأحمد أخويا ووقفته جمبي في المستشفى.
تفاصيل الحالة الصحية لـ حسام داغر
وأردف حسام داغر: حابب أشكر وأطمن كل الناس اللي كلموني، واطمنوا عليا وجم ليا المستشفى أو البيت، أنا الحمد لله تحت الرعاية الطبية في البيت، وبحاول أرد على كل اللي بعت لي، أو أطمن عليّ واحد واحد، لأن كلمة شكرًا قليلة حقيقي على اللي حسيت بيه، من حب واهتمام كبير مالي قلوبكم، ودعوات الناس الكتير ليا بالشفاء، هى اللي سرّعت علاجي وعجّلت بشفائي.. الحمد لله على كل شيء.
