طالب بحقوق القاهرة يستغيث: بحاول أجري 3 عمليات منذ 7 شهور بمستشفى الطلبة.. والخشت يستجيب
استجاب الدكتور محمد عثمان الخشت رئيس جامعة القاهرة، لاستغاثة الطالب عبدالرحمن التهامي، الطالب بالفرقة الرابعة كلية الحقوق جامعة القاهرة، والذي يعاني بسبب عدم إجرء 3 عمليات منذ 7 شهور بمستشفى الطلبة، ولم يجر أي واحدة منها.
واستغاث الطالب عبدالرحمن التهامي، الطالب بالفرقة الرابعة كلية الحقوق جامعة القاهرة، بالدكتور محمد عثمان الخشت، حيث كتب الطالب تعليقا لرئيس الجامعة على الصفحة الرسمية لرئيس جامعة القاهرة، قائلا: أنا طالب الفرقة الرابعة حقوق أنا المفروض هعمل عملية في كتفي هما 3 عمليات أصلا في كتفي زرع وتر وترميم عضم وتركيب 4 خطاطيف، ومن شهر 9 اللي فات روحت كشفت في مستشفى الطلبة وقالولي هنعمل العملية وسيب رقمك وكده عدى شهر واتنين وتلاتة.
وتابع الطالب، أنه ذهب مرة أخرى إلى مستشفى الطلبة بالجامعة للاستعلام عن العملية، مؤكدا أنه تم إبلاغه بأن السرير المخصص لإجراء العملية غير جاهز، مستطردا: قولت لهم طيب أجلكم امتى، قالولي تعالي بعد شهر واحد، روحت بعد شهر واحد، قالولي أصل الخطاطيف مش موجودة، طب أعمل إيه تابعنا بعد رمضان، تابعت بعد رمضان بردو مفيش حل معاهم المهم.
وأوضح الطالب، أنه تواصل مع قصر العيني الفرنساوي بسبب جاهزية إجراء العملية في القصر الفرنساوي، مؤكدا أنه لابد تحويله من مستشفى الطلبة إلى الفرنساوي، قائلا: روحت أجيب التحويل من مستشفى الطلبة قالولي لا لازم نحولك على القصر القديم وتجيب منهم رفض وبعد كده نحولك على الفرنساوي قولت ماشي حولوني على القصر العيني القديم.
وأضاف الطالب، أنه عند الذهاب إلى قصر العيني لإجراء الكشف كانت المعاملة سيئة، قائلا: روحت وكشفت وبكلم الدكتور وبشرحله حالتي كلمني بأسلوب أقسم بالله أقذر مما تتخيله وطريقهم زبالة وحاجة قرف، طيب ساعدني اديني رفض قالي لا طيب إيه الحل سيب رقمك واسمك واحنا نعملهالك واصلا الخطاطيف مش موجودة عندهم.
واختتم الطالب الاستغاثة: رجعت مستشفى الطلبة محدش راضي يساعدني ولا يقف جنبي، طيب ليه بتصعبوها متحولوني على الفرنساوي ياريت أي مسؤول، متابعا: الجامعة تحاول تحل المشكلة، عيب أوي يعني جامعة القاهرة تكون كده، عيب بجد لأني فعلا حياتي بايظة كتفي من أقل حاجه بيتخلع من مكانه وحاجة صعبة وعذاب، أرجو المساعدة من الجامعة لأن بجد الموضوع بقى صعب معايا.
تعليق الدكتور محمد عثمان الخشت
وجاءت الاستجابة من الدكتور محمد عثمان الخشت رئيس جامعة القاهرة والذي رد على الطالب: ألف ألف سلامة.. اذهب إلى الدكتور حسام صلاح مدير مستشفيات جامعة القاهرة قصر العيني.. أنا وصيته.
