ألفت إمام: قررت عدم الإنجاب لخوفي من المسئولية والفقدان ولم أندم
كشفت الفنانة ألفت إمام عن أسباب عدم إنجابها، مشيرة إلى أنها خافت من المسئولية والحنية والمتابعة، مثلما كانت تفعل والدتها، كما أن والدتها توفيت في سن صغير.
وقالت ألفت إمام خلال تصريحات تليفزيونية: أمي مشفتش زيها مع احترامي لكل الأمهات ولا هشوف، كانت 7 أمهات في بعض، خوفي من المسئولية والحنية والمتابعة، كنت هعمل ده إزاي؟ وماما ماتت صغيرة ولما فقدتها اتوجعت جدا.
وأردفت ألفت: أنا مضمنش أجيب ولد ولا بنت وامشي واحنا متعلقين ببعض وأوجعهم، الفقد وجعني ومندمتش خالص، خدي قرارك في الوقت المناسب ومش هيبقى فيه ندم.
وأردفت ألفت إمام: قتلت الوحدة بالقراءة والمشاوير والسمع وأحيانًا بطبخ.
ألفت إمام تكشف عن سبب زواجها من رجل متزوج
وأشارت ألفت خلال حاورها إلى أنها كانت متزوجة من رجل متزوج وأخفت النبأ كي تحافظ على بيته الأول، وتابعت: قرار كان من العقل طاغي عن القلب بشوية، وكنت عايزة احتواء وأفق متسع وثقافة واسعة، ومكنش فيه أي مشقة، وراجل عظيم ومحترم ومتدين وبيخاف ربه، ليه أخرب الدنيا؟.
وأوضحت ألفت إمام، أنها انفصلت عنه بسبب عودتها للفن من جديد، وتهكمه عليها، مؤكدةً أنها لم تندم على ذلك القرار أيضًا.
وعن عدم تغيير لون شعرها، أضافت ألفت إمام: الزمن بيتغير وبيغير فينا حاجات كتير ومنها لون الشعر، متعايشة معاه وحاسه إنه ده سني الحقيقي، ولو الناس عاشت بطبيعتها أكتر ما تتصنع وتتكلف الحياة هتبقى أبسط وأحلى، في 2017 كنت واخدة الصبغة بتاعتي في تايلاند والماكييرة مجاتش، فمصبغتش الجدور، وصورت عادي ونزلت مش مبسوطة وكان آخر عمل عملته وخدت وقت وقولت هسيب الدنيا زي ما هي إلى أن أهدى نفسيا وجسمانيا.
