محمد شاهين: بدأت حياتي كوافير رجالي.. ومتجوزتش لأني بحكم عقلي
حل الفنان محمد شاهين، ضيفًا على الإعلامية ياسمين عز في برنامجها كلام الناس، المذاع عبر شاشة إم بي سي مصر، وتحدث عن سبب عدم زواجه حتى الآن، إلى جانب مشواره الفني.
وقال محمد شاهين: لسه متجوزتش مجاش النصيب.. وفيه جواز صالونات بينجح أكتر من الجواز اللي بيكون عن حب.
وأضاف محمد شاهين: أنا مع العقل في الجواز وبحكم بالعقل.. ومع مقولة الدكتور مصطفى محمود وهي إن الحب مش بيدوم.
حقيقة خلاف محمد شاهين مع حمو بيكا
وعن أزمته مع مطرب المهرجانات حموبيكا، أوضح شاهين: معنديش مشاكل مع حمو بيكا خالص، وعملت تراك أغنية معاه من فترة كبيرة والأغنية منزلتش، ولكن مفيش خلاف بينا.
وعن علاقته بوالده ووالدته وبداياته في العمل، استكمل محمد شاهين حديثه: والدي كان من أطيب الناس اللي شوفتها في حياتي ودمعته قريبة جدًا، وكذلك والدتي، وأمي هي مسيرة من السعي والاجتهاد.
وعن بداياته قبل دخوله للمجال الغناء: اشتغلت وأنا عندي 13 سنة.. واشتغلت مهنة كوافير رجالي وكانت مهنة والدي، وكنت بشتغل بالليل مغني في الأفراح.
واختتم حديثه عن علاقته بـ شقيقته، قائلًا: أول ما ربنا كرمني جوزت أختي وبعديها كان علينا فلوس سددتهم، وكنت أول حاجة عاوز أعلمها كنت عاوز والدي ووالدتي يطلعوا عمرة مع بعض وحصل واتبسطت بده جدا.
آخر أغاني محمد شاهين
وتعد آخر أغاني محمد شاهين هي أغنية لون باهت، وطرحت الأغنية على قناته الرسمية بـ يوتيوب منذ شهر، والأغنية من كلمات محمد شافعي وألحان وتوزيع إسلام رفعت.
