ساحل الغلابة | شباب قرية بالدقهلية يحولون الترع المبطنة لمصيف.. والأهالي: بننزل بالعوامات وعندنا شماسي
لجأ أطفال وشباب قرية ميت الخولي التابعة لمركز منية النصر في محافظة الدقهلية، وسط حالة من الفرح، إلى جانبي الترعة المُبطنة، يقضون عليها أوقاتهم للسباحة واللهو على الرمال التي وضعها أهالي القرية.
الأهالي: بننزل بالعوامات وعندنا شماسي علشان الحر
ووضع عدد من الأهالي كراسي بحر على جانبي الترعة، وسبح الكبار والصغار هربا من حرارة الجو، كما استخدم الأطفال العوامات المائية، لتتحول الترعة كما لو كانوا في أحد الشواطئ أو حمامات السباحة في أي قرية سياحية.
وألتقي القاهرة 24 بأهالي القرية والذين قالوا: بنحاول نفرح نفسنا وعيالنا في الترعة المبطنة أمام المنازل، ومش مكلفة، وعلشان نستمتع بالأجواء أكثر اشترينا عوامات للأطفال، وجبنا رمل على شاطئ الترعة وأطلقنا عليها مصيف الغلابة.
وأضافوا: مصيف الغلابة محدش بينزله غير 3 أيام في الأسبوع فقط يوم الأربعاء والخميس والجمعة فقط لأن مياه الترعه بيتم تتطهيرها باقي الأيام، ومحددين أماكن في الترعة للأطفال والكبار والعائلات علشان الكل يستمتع.
وتابعوا: مصاريف المصايف غالية جدًا إحنا بنحاول نسعد ولادنا بأقل تكلفة وبنعلمهم العوم في الترعة كمان وبعض القرى بدأت تنفذ فكرة مصيف الغلابة.
