شاهيناز تعلق على تصريحات محمد فؤاد بالسعودية: لولا مصر ماكنش هيكون لنا وجود
كشفت المطربة شاهيناز رأيها من تصريحات الفنان محمد فؤاد في حفله الذي أقيم مؤخرًا بالمملكة العربية السعودية وتعرض بسببها لهجوم وانتقادات شديدة.
وقالت شاهيناز لـ القاهرة 24 متسائلة: ليه دايما ممكن نلتمس لأي حد العذر إلا الفنان، ليه بننسى إن الفنان بني آدم ممكن يخونه التعبير ويتفهم غلط، ومحمد فؤاد حب يعبر عن امتنانه وحبه لشعب آخر وجمهور آخر.
وأضافت شاهيناز: الفنان بيكون سفير بفنه وممكن يكون عنده جمهور في أكتر من دولة، ولكن مش معنى إني أشكر الجمهور على حفاوته واستقباله إني بقلل من قدر جمهوري المصري اللي لولاه ماكانش يبقى ليا وجود كفنان مصري، وممكن فنان تفلت منه جملة أو حرف لكن ما ينفعش نشن الحرب عليه.
وتابعت شاهيناز: تصريحات محمد فؤاد ماكانش فيها ما يسيء، ويمكن بتحمل تعبير زايد عن امتنانه وحبه وتقديره للشعب السعودي لأن الفنان ممكن يكون له جمهور في بلاد كتير ولكن يظل الجمهور اللي صنع الفنان هو جمهور بلده.
واستكملت: لولا الجمهور المصري ومصر ماكانش هيكون لينا وجود، لأننا لما بنمثل مصر في بلد تاني بيتقال الفنان المصري وده شيء مفروغ منه، وكل التقدير للشعب المصري اللي عملنا واللي له الفضل الأول بعد ربنا علينا، وعلينا أن نلتمس لبعض العذر ولو كان فنان بيقول مجاملة لشعب تاني أو بيفلت منه كلمة مش معناه إنه بينكر جميل أو فضل مصر عليه.
