محمد رمضان: عشان تكون نمبر وان لازم ترضي الوالدين ويكون عندك إخلاص وتخطيط
تحدث الفنان محمد رمضان عن فيلم ع الزيرو ودور نيللي كريم معه في العمل، وبجانب ذلك حديثه عن وجود مسلسل جعفر العمدة 2 في السباق الرمضاني 2024.
وقال محمد رمضان خلال لايف مع ET بالعربي: فخور بشغلي في فيلم ع الزيرو والكاست اللي معايا، ونيللي كريم عامله دور مختلف وجميل جدًا، ومعانا الفنان خالد الصاوي ضيف شرف في الفيلم، ودوري في فيلم ع الزيرو تتطلب إني أحلق شعري زيرو.
وعن سؤال كم ساعة ينام في اليوم، أجاب محمد رمضان: بنام الوقت اللي الإنسان الطبيعي بينامه، ولكن مش بنام الـ 7 ساعات متواصلين بنام 3 ساعات في ساعتين متقطعين.
وعن وجود مسلسل جعفر العمدة 2 في السباق الرمضاني 2024: بندرس بشكل جد وجود مسلسل جعفر العمدة 2 في رمضان 2024، ولو فيه مصلحة الجمهور أكيد هنعمله.. ومحمد سامي كان كاتب المسلسل وعامل حسابه إنه هيبقى في احتمالية إنه يكون فيه جزء تاني.
وسأل أحد من الجمهور محمد رمضان إزاي أكون نمبر وان، ليجيب رمضان قائلا: لو حد عايز يكون نمبر وان يرضي الوالدين ويكون عنده إخلاص وتخطيط.
واختتم حديثه عن أعماله المقبلة: عندي تصوير في جاميكا مع مغني كبير، وحفلات برا مصر منها لندن.
آخر أعمال محمد رمضان
ويعد فيلم ع الزيرو آخر أعمال محمد رمضان، ويصور في الوقت الحالي المشاهد النهائية للفيلم، وهو من بطولة نيللي كريم، جومانا مراد، الطفل منذر مهران، وعدد آخر من الفنانين، والعمل من تأليف مدحت العدل وإخراج ماندو العدل.
