ابنة نجيب الريحاني صاحبة الـ 86 عامًا: بلعب رياضة وسباحة وحاصلة على ميداليات ذهب وفضة | فيديو
تحدثت جينا نجيب الريحاني، ابنة الفنان الراحل نجيب الريحاني، عن نشاطاتها اليومية وسر الحفاظ عن صحتها حتى وصولها لـ سن 86.
وأكدت ابنة نجيب الريحاني في بث مباشر على صفحة الإعلامية سهير جودة نشرته عبر حسابها الشخصي بموقع بفيس بوك، أنها ما زالت تمارس الرياضة، والعوم في فصلي الصيف والشتاء، مضيفة: السنة اللي فاتت واخدة ميداليتين ذهب ومن سنتين واخدة ميداليتين فضة.
كما وجهت ابنة نجيب الريحاني رسالة إلى النساء للحفاظ على صحتهن، إذ قالت: بقول لستات لازم يبدأوا من بدري، ولازم يعرفوا إن بعد سن الـ 30 العضلات بتقل وتضعف، فمهم السباحة والرياضة عشان العضلات ترجع تاني، وأنا شكلي حلو بس معقول وأنا مش مبسوطة من نفسي عايزة أخس 5 كيلو.
ابنة نجيب الريحاتي: والدي توفي وأنا في سن الـ 11
كما تحدثت جينا نجيب الريحاني عن علاقتها بـ والدها الراحل، مؤكدة أنه توفي وهي في مرحلة الطفولة، وأشارت إلى أنها كانت تحتاج إلى أب في أوقات كثيرة في مراحل حياتها، إذ قالت: أبويا توفي وأنا عندي 11 سنة، ومكنتش بشوفه كتير لأني كنت بقضي الصيف في باريس والشتا في مصر.
وتابعت ابنة نجيب الريحاني: دلوقتي بقول مكفانيش أب، وبقول إني محتاجة أب على طول، والبنت لما تكبر محتاجة تسأل وأنا مكنتش عارفة أسأل مين وماما كانت شديدة، ولما كان بيحصلي مشاكل مع جوزي كنت محتاجة بابا وملقتش حد يفهمني أيه الصح وأيه الغلط وكنت محتاجاه يقولي بتعملي أيه.
