تعاملوا معايا على أني تراث.. أبرز تصريحات فريدة فهمي خلال تكريمها في قصر السينما
حلت الفنانة فريدة فهمي ضيفة على جمهورها، من خلال ندوة تكريمها في قصر السينما، التي أقيمت بالأمس، وحضرها مجموعة كبيرة من محبي الفنانة.
ونستعرض لكم أبرز تصريحات فريدة فهمي خلال هذه الندوة:-
- الشباب كانوا بيقعوا على المسرح من كتر الرقص.
- صحتي حلوة لكن بعد 43 سنة قلت كفاية رقص، أصل كنت بقول لنفسي أنا هفضل أرقص لحد امتى.
- بستغرب إزاي مهرجان القاهرة مكرمش علي رضا.. عمره ما أتكرم طول ما هو حي، وأول مرة يتكرم النهاردة من قصر السينما بعد وفاته.
- المسرح بيسحر، دا ساحر، خصوصا لاني بحبه.
- كنت في أمريكا ودرست في جامعة هناك فيها قسم عن علم الشعوب وبيرقصوا ازاي، عملت ماجستير هناك عن محمود رضا.
تصريحات فريدة فهمي
- وزراء الثقافة كانوا بيقفولنا زي الشوكة في الزور.. وعلي رضا كان بيحمينا.
- تعاملوا معايا على أني تراث.
- فننا عايش لأنه أتقدم بصدق، وغرام في الكرنك مازال عايش مع الجمهور رغم أنه بقاله أكثر من 60 سنة.
-علي رضا مسك شوما عشان يحمينا، ونقدم فقرتنا على المسرح أمام الرئيس جمال عبد الناصر.. وقال للموظفين اللي هيقرب هنا هكسر رجله.
-عبد الناصر أعجب بما نقدمه وكان بيطلبنا بالاسم.
-بحب الرقص من صغري، ومامتي كانت تاخدني أرقص وأحضنها وأنا واقفة على رجلها.
-نينة كانت تيجي تطلب الشغالين وتطبل وأنا أرقص بلدي.
