عمرو مصطفى يسخر من أحمد سعد بعد انتقاده للذكاء الاصطناعي: متخليش حد يحركك
رد الفنان عمرو مصطفى، على تساؤلات الفنان أحمد سعد، حول مشروع إطلاق أول فنان بتقنية الذكاء الاصطناعي.
قال عمرو مصطفى، خلال لقائه ببرنامج The Insider بالعربي: لو هرد على أحمد سعد، بطريقة شريرة هقول له علشان أعرف ألبسه يا أحمد براحتي، عايز ألبسه كلاسيك، لكن لو هرد عليه طيب هقول له يا أحمد اللي يعجبك غنيه.
عمرو مصطفى: أحمد سعد أتظلم كتير
وأضاف عمرو مصطفى: أنا من أكثر الناس اللي بتشكر في أحمد سعد، وشايف أنه أتظلم كتير، لأنه صوت كان المفروض يطلع من زمان، ولكنه عافر وغني على يوتيوب والرقص وجاهد علشان يوصل النهاردة في المكان اللي هو فيه.
عمرو مصطفى: كل بني آدم حر بس إحنا عندنا أجيال بتمشي ورانا
استكمل عمرو مصطفى: لكن يا أحمد أول ما توصل للمكانة دي، المفروض، متخليش حد يحركك ويقولك تلبس إيه وأعمل كذا لأنك بتمثل شكلنا كلنا كعرب وبلدك مصر.
كما علق عمرو مصطفى، على إطلالة أحمد سعد بعدما أثار ظهوره بملابس غريبة، جدلًا واسعًا في إحدى حفلاته بالسعودية، حيث قال: كل بني آدم حر، بس إحنا عندنا أجيال بتمشي ورانا والموضوع مش تريند، ولادي وأولادك وأحفادك لازم يشوفوا القدوة بشكل جيد.
أحمد سعد: هتعمل مغني بالـAI ليه إحنا قصرنا معاك في حاجة
وكان أحمد سعد، وجه رسالة لـ عمرو مصطفى، عبر حسابه الرسمي بموقع إنستجرام، عقب إعلان الأخير عن مشروع تقديم أول مطرب باستخدام الذكاء الاصطناعي، حيث نشر صورة له بنصف رأس إنسان آلي.
وعلق أحمد سعد على الصورة قائلًا: الأستاذ عمرو مصطفى، هتعمل مغني، بالـAI ليه إحنا قصرنا معاك في حاجة وجاء رد الملحن عمرو مصطفى على رسالة أحمد سعد قائلًا: الأغنية اللي هتعجبك منه غنيها.
