سماح أنور: قررت الابتعاد عن السوشيال ميديا.. وسأتواصل مع الجمهور من خلال أعمالي الفنية فقط
أعلنت الفنانة سامح أنور، ابتعادها عن مواقع التواصل الاجتماعي خلال الفترة المقبلة، وعدم مشاركة جمهورها تفاصيل حياتها الشخصية كما كانت تفعل في السابق، مؤكدة أنها سوف تتواصل معهم من خلال أعمالها الفنية فقط.
شاركت سماح أنور، متابعيها مقطع فيديو عبر حسابها الشخصي بموقع فيسبوك، جاء فيه: في ناس كتير بتسأل ليه مش بطلع لايفات زي الأول، الحقيقة أنا مش هكون فاضية خالص خلال الفترة المقبلة أعمل ده أو أتواصل بشكل شخصي مش هيبقى متاح، ولكن هقدر أتواصل معاكم بالطريقة اللي متعودة عليها طوال حياتي وهي التواصل من خلال أعمالي.
سماح أنور: بعتذر لكل الناس اللي منتظرة منى لايفات شخصية
وحرصت سماح أنور على توجيه اعتذار لجميع متابعيها عبر مواقع التواصل الاجتماعي، قائلة: بعتذر لكل الناس اللي منتظرة منى لايفات شخصية، ده مش هيكون موجود أو متاح أبدأ بعد كده لكن اللي هيكون متاح أخباري وأعمالي الفنية سواء كانت على ميديا التلفزيونية أو السينمائية أو من خلال ميديا بتاعت السوشيال ميديا، اللي هتابع معاكم فيها دائما اللي بعمله وبشاركم وأتمنى يكون بيرسم بسمة على وشكم، بحاجة لطيفة لمدة دقيقة أو دقيقتين، ودى أكتر وأحسن حاجة ممكن أقدمها وأتمنى ليكم كل الخير والسعادة.
سماح أنور: دائمًا نتقابل من خلال أعمالي وأنتظر آرائكم
اختتمت سماح أنور حديثها قائلة: إن شاء الله نتقابل دائمًا في أعمال فنية جديدة، يارب أن شاء الله تعجبكم وأتمنى ليكم كل الخير وكل السعادة لكل الناس ودائمًا نتقابل من خلال أعمالي وأنتظر آرائكم لأن من غير آرائكم منعرفش نستمتع بالفن اللي أحنا بنقدمه وبشكركم جدًا على كل شيء وعلى متابعتي بشكل شخصي لـ3سنوات اللي فاتوا وأتمنى ليكم كل الخير والسعادة.
