مصطفى شوبير: أبويا مش بيديني تعليمات.. وكنت متأكد من تسجيلنا في الإياب
تحدث مصطفى شوبير، حارس مرمى النادي الأهلي، عن التصديات التي نفذها في لقاء ذهاب نهائي دوري أبطال إفريقيا أمام الوداد المغربي.
تصريحات مصطفى شوبير
وقال مصطفى شوبير في تصريحات تلفزيونية عن تصديه لـ انفراد الوداد في لقاء الذهاب: رسمت التسديدة قبل تسديدها، وقمت بتنفيذ طريقة التصدي قبل التسديد.
وأكد مصطفى شوبير حارس مرمى الأهلي، أنه يتأثر بـ مانويل نوير حارس مرمى بايرن ميونخ ومنتخب ألمانيا.
وعن تسديدة يحيي عطية الله في لقاء الذهاب: وقفت صح في مكاني، ولعب الوداد ديمًا على الكرة الثابتة، وأنا كان عندي يقين إن يحيي الله هيسددها في الاتجاه ده، والكرة كانت سريعة، أخدت قرار همسك، ولو كنت فكرت تفكيرين كانت الكرة سقطت من إيدي.
وأشار: كنت مذاكر الضربات الثابتة بتاعة الوداد، وطاهر محمد طاهر بعد ما مسكت تسديدة يحيى عيطة الله، قالي إنت مجنون إزاي تمسكها دي خطر.
وأضاف: الكرة اللي جات في العرضة دي دعوات أمي، وأمي بتدعيلي وبتبعتلي هدايا بس مش بنتكلم في الماتشات.
وعن هدف الوداد في لقاء الذهاب: الجون صعب، كلنا جالنا إحساس إزاي دخل فينا جون، بس بعد الماتش قولنا يا جماعة إحنا فايزين، وكان عندنا يقين إننا هنجيب جول.
وعن والده اختتم: اتعودت دايما إن أبويا بيقف في ضهري لكن مش بيديني تعليمات، وعشان المدرب ميحطنيش تحت ضغط.
