وليد مصطفى: ميديا هب رواد صناعة الإعلان والإعلام في الوطن العربي
أعرب وليد مصطفى، رئيس مجلس إدارة شركة سكاي برودكشن المالكة لمحطة راديو إنرجي 92.1 عن سعادته الشديدة بالنجاحات الكبيرة التي حققتها شركة ميديا هب في الفترة الأخيرة، وخاصة شهر رمضان الماضي والذي نافست به بقوة.
وقال وليد مصطفى، خلال كلمته في حفل كأس إنرجي السابع للدراما: عايز أقول كلمتين، أقول كلمة لشغلانة الإنتاج وكلمة لميديا هب، أنا إيهاب جوهر وسعدي أعرفهم من زمن، وتقريبًا في نفس الجيل وابتدينا في نفس الوقت، الشركة والناس دي محترمين جدًا، وكانوا ابتدوا في عالم الإعلان، وبقوا رواد في عالم الإعلان مش في مصر بس، دا على مستوى الوطن العربي.
وتابع وليد مصطفى: في كيمياء بين الاتنين دول، وعايز أتكلم كلمة في حقهم وهما مش موجودين، والناس دي لما دخلوا عالم الإعلام والإنتاج بقوا رواد فيه، ويستحقوا التقدير، لأن شغلانة الإنتاج بتبان سهلة، واحد معاه فلوس بيتفق مع سيناريست ومخرج وخلاص، لكن الشغلانة أصعب بكتير.
وليد مصطفى: شركة ميديا هب تستحق النجاح بسبب تعبهم
واختتم وليد مصطفى: من التعب اللي تعبوه يستحقوا النجاح، ومسلسل زي جعفر العمدة واخد أعلى مشاهدات في مصر والوطن العربي، وده مجهود فريق عمل شاطر وفريق إنتاج واعي، وبيقدم كيمياء وتركيبة لاقت إعجاب الناس، مبروك لميديا هب ومبروك للمتحدة.
وكانت حصدت ميديا هب ـ سعدي جوهر جائزة أفضل شركة إنتاج عن مسلسلات رمضان 2023، وذلك بـ حفل كأس إنرجي للدراما.
