مصطفى كامل لـ القاهرة 24: الفنانيين حساسين زيادة عن اللازم.. والشخص اللي قعد وسط الحشرات غير آدمي
وجهه الفنان مصطفى كامل، نقيب المهن الموسيقية، رسالة شديدة اللهجة إلى أعضاء مجالس نقابة المهن الموسيقية السابقين، متحدثًا عن خططه القادمة للنقابة.
ووصف مصطفى كامل خلال حواره مع القاهرة 24، مجالس نقابة المهن الموسيقية السابقين بـ الأشخاص الغير أدمية، وذلك بسبب الوضع السيئ الذي كان فيه مقر النقابة قبل توليه منصب النقيب، إذ قال: لو قعدنا ساعتين نتكلم مش هنزهق لآن دا أصبح مقر نقابة للفنانين، لما كنا نشوف الحوائط اللي عليها الحشرات كنت بقول ازاي دي نقابة فنانين.
وأضاف مصطفى كامل: اللي وجعنا في حياتنا زيادة عن اللازم أننا فنانين حساسين زيادة عن اللزوم، احنا بنشوف غير الناس، احنا ربنا ميزنا عن باقي مجتمعنا أننا عندنا نسبة حس أعلى، أزاي كنت قاعد وسط الحشرات غير أنك تكون راجل مش فنان ولا آدمي ولا محترم ولا أنت أمين؟
طالما كنت عايش في المكان ده بالمنظر ده، فأنت جاي بس عشان الفلوس.
وتابع مصطفى كامل: احنا نضفنا الحيطان والأرضية والفرش ودلوقتي بنضف الأشخاص، الحمدلله الناس بتقول أننا نضفنا بنسبة 100% لا ولا وصلنا لـ 80% هما 65% بس وربنا كريم وييجي المجلس التاني ونكون وصلنا لـ 90%، لازم نبقى ناس نضيفة في نفسنا و يبقى قلبك حلو على الغلابة والبسطاء والمرضى وعلى الزملاء.
مصطفى كامل نقيبًا للمهن الموسيقية
من جانبها، أعلنت نقابة المهن الموسيقية في مؤتمر أقيم عصر اليوم بمقر النقابة، أن الفنان مصطفى كامل تولى منصب نقيب المهن الموسيقية لـ مدة أربع سنوات بالتزكية لأول مره منذ فترة تولي كوكب الشرق منصب رئاسة مجلس النقابة.
