والد نيرة أشرف لـ القاهرة 24: مشاعري مختلطة مش عارف أفرح ولا أعيط عليها
علق والد نيرة أشرف طالبة المنصورة، على خبر إعدام محمد عادل قاتل ابنته، قائلًا: ارتاحي يا بنتي وأنتِ في قلبي عمري ما هنساكِ.. بنتي في قلبي طول عمرها ومش هنساها.
وأوضح في تصريحات لـ القاهرة 24: كل الناس فرحانة وعمري ما شفت حد اتعدم الناس كلها تبارك كده.. ومشاعري مختلطة مش عارف أفرح ولا أعيط عليها.. وبنتي هتنام مستريحة اليوم بعد إعدام قاتلها.. وعرفت خبر إعدام قاتل بنتي من النت.
وأوضح والد نيرة أشرف طالبة المنصورة: أنا لسه شايف فيديو قتل بنتي نيرة أشرف وانهرت ودعيت على الناس اللي كانت بتساند محمد عادل، منكم لله ومش مسامح أي حد قال كلمة في حق بنتي، وهشوف فيكم يوم، والحمد لله ماكملش 24 ساعة وتم تنفيذ حكم الإعدام.
وتابع: أنا هروح لبنتي القبر وأقولها حقك رجع، والحمد لله كل الاتهامات اللي الناس اتهموا بيها بنتي ربنا أخد حقها وربنا ينتقم من أي حد جاب سيرت بينتي، وأسرته هما اللي عملوا كدا عشان يطلعوا ابنهم على حساب سمعة بنتي.
ونفذت الأجهزة المختصة صباح اليوم، حكم الإعدام بحق محمد عادل المدان بقتل الطالبة نيرة أشرف، أمام بوابة كلية الآداب بجامعة المنصورة في محافظة الدقهلية، وذلك بعد رفض الطعن المقدم من قبل المتهم.
وكانت محكمة النقض رفضت يوم الخميس الموافق 9 فبراير، طعن محمد عادل قاتل نيرة أشرف على حكم إعدامه وقررت تأييد حكم الإعدام.
