والد نيرة أشرف: بنتي هتحاسب محمد عادل لما ينزل قبره وهتاخد حقها |فيديو
قال ولد نيرة أشرف إن الناس كلها فرحانة لرجوع حق بنته، مضيفا: بيقولولي ألف مبروك حق بنتنا رجع، ومشاعرنا مختلطة بين السنادي والسنة اللي فاتت كانها قرن من الزمن عدى عليا وشوفت كمية أذى وألم في القضية دي والناس اتهمتنا في شرفنا وعرضنا.
والد نيرة أشرف بعد إعدام محمد عادل
وأوضح والد نيرة أشرف في تصريحات خاصة لـ القاهرة 24: بقول لكل واحد قال كلمة كويسة شكرا ليكم وحقكم على دماغي، وبنتي هتقتص من المتهم أول ما ينزل قبره وتحاسبه.
وتابع ولد نيرة أشرف: نيرة جاتني في المنام ومسكت إيديها وكانت صوابعها رفيعة، ويوم التلات هروح قبرها أنا والمحامي، مستكملا: بغياب نيرة غابت الفرحة عن بيتنا والله، وأي حد دافع عن محمد عادل يارب يحس باللي حسينا بيه.
ونفذت الأجهزة المختصة صباح اليوم، حكم الإعدام بحق محمد عادل المدان بقتل الطالبة نيرة أشرف، أمام بوابة كلية الآداب بجامعة المنصورة في محافظة الدقهلية، وذلك بعد رفض الطعن المقدم من قبل المتهم.
وكانت محكمة النقض رفضت يوم الخميس الموافق 9 فبراير، طعن محمد عادل قاتل نيرة أشرف على حكم إعدامه وقررت تأييد حكم الإعدام.
