السيسي عن الزيادة السكانية: كل 15 ثانية فيه مولود جديد.. يعني كل دقيقة 4 أطفال
قال الرئيس عبد الفتاح السيسي، إن مصر فيها الآن حوالي 9 ملايين ضيف، مضيفًا أنه خلال 7 أسابيع ماضية عبر 220 ألف ضيف من السودان لمصر.
وتطرق الرئيس عبدالفتاح السيسي، خلال كلمته منذ قليل في لقاءٍ بعدد من المواطنين أثناء زيارته لقرية الأبعادية بمحافظة البحيرة، إلى مشكلة الزيادة السكانية، قائلًا: حتى عام 1953 كنا 19 و20 مليونا، كل مصر ريف وحضر، ثم في عهد الرئيس السادات وصلنا إلى 40 مليونا، وفي 2011 كنا تقريبا 80 مليونا، اليوم 105 ملايين، وإحنا قاعدين مع بعض كدا بقالنا كام دقيقة، كل 15 ثانية فيه مولود جديد، يعني كل دقيقة 4 أطفال.
وتابع: دي فرصة أقول لأشقائنا في السودان ولأي بلد خلي بالكم من بلدكم، ولما كنت بقول خلي بالكم من بلدكم كانت الناس بتقول هو بيقول الكلام ده ليه؟ كنت بقول الكلام ده لأني شوفت وربنا أراد إننا كلنا نشوف، لما حصلت مشاكل في بلاد أخرى الناس مقدرتش تقعد وسابت بلدها، وجت عندنا وفي حتت تانية، اعرفوا إن الدول اللي حصل فيها مشاكل واقتتال جه منهم عندنا ملايين، عايشين معانا، وظروفنا صعبة كان ممكن نقول لأ، بيدخلوا المدارس بتاعتنا والمستشفيات اللي موجودة، إحنا بنتشارك، واللي موجود مش كتير، لكن إحنا بنتشارك فيه.
