رضوى الشربيني تحيي ذكرى ميلاد والدتها: هتفضلي وحشاني لحد ما أشوفك
حرصت الإعلامية رضوى الشربيني، على إحياء ذكرى ميلاد والدتها الراحلة هالة أنور، الذي يوافق اليوم الأربعاء 14 يونيو، معربة عن افتقادها الشديد لها، وحزنها الكبير على وفاتها.
شاركت رضوى الشربيني، متابعيها مجموعة من الصور لوالدتها هالة أنور، عبر حسابها الشخصي بموقع التواصل الاجتماعي فيسبوك، وعلقت عليها قائلة: عيد ميلادك في الجنة يا أمي، ربنا يرحمك ويغفر لك حبيبتي، هتفضلي وحشاني لحد ما أشوفك يا أحن مخلوق في الدنيا.
وفقدت رضوى الشربيني والدتها هالة أنور، إثر إصابتها بفيروس كورونا المستجد، المعروف بكوفيد 19، وشُيعت جنازتها من مسجد السيدة نفيسة ودُفنت في مقابر العائلة.
رضوى الشربيني تكشف مواصفات فتى أحلامها وزوجها المستقبلي
ومن جانبها كشفت الإعلامية رضوى الشربيني مواصفات فتى أحلامها، وذلك خلال تصريحات تليفزيونية، حيث قالت: عايزة الراجل يكون قادر عشان أنا ست قادرة، وعشان العفو عند المقدرة، وكل ما هيكون راجل قادر كل ما مش هيبص على أخطائي وعلى الثغرات في الحاجات اللي بعملها وهيكبر دماغه، ومش هيبص على عيوبي.
تابعت رضوى الشربيني: يكون راجل قوي ويقويني ويبقى ضهري وسندي، ويتكلم معايا في البرنامج والحياة، ويستعمل قوته معايا مش عليا، ولو قرر إنه مش عايز رضوى الشربيني مش هيعمل حاجة تجرح رضوى الشربيني غير إنه هيتواجه معاها ويقول أنا آسف مش قادر أكمل، لازم يكون ناجح.
استكملت رضوى الشربيني، حديثها قائلة: مقدرش أتجوز راجل مش ناجح ولا أنا أنجح منه، ولازم يكون عنده طموح ويتقي ربنا في معاملة البني آدمين وأنا مش أولهم، والدته ووالده، ولازم يكون بيحبني أوي ويهتم بيا أوي ويعرف يتعامل معايا لأني صعبة أوي.
