السيسي: تكلفنا 80 مليار جنيه بعد أحداث 25 يناير
قال الرئيس عبدالفتاح السيسي، رئيس الجمهورية، إن الحديث عن الماضي للتسجيل، فإن نجاكم الله مرة فلا تنتظروا أن ينجيكم مرة أخرى، مضيفا: ممكن كان كثير من المصريين يروحوا دول أخرى، وربنا نجاكم يا مصريين، اللي عمل الانتخابات وجاب الناس دي مين، أنا؟
وأضاف الرئيس عبدالفتاح السيسي، خلال كلمته بفاعليات المؤتمر الوطني للشباب: تكلفنا 80 مليار جنيه بعد أحداث 25 يناير، والاحتياطي من 25 يناير وحتى الانتخابات الرئاسية تم القضاء عليه.
وأشار الرئيس السيسي، إلى أن المشكلة أثناء الحديث، هي أن كل منا يريد الحد الأقصى في كل شيء وهذا غير ممكن حتى في الحوار الوطني.
السيسي: الدولة مش بتاعة الحكومة ولا بتاعتي
وفي وقت سابق، قال الرئيس السيسي في مؤتمر صحفي: تحرير سعر صرف الجنيه أمام الدولار لو هيأثر على المصريين بلاش.. حتى لو هيتعارض مع مطالب صندوق النقد.
وتابع: الدولة مش بتاعة الحكومة والدولة مش بتاعتي، الدولة دي بتاعتنا كلنا ولازم تنجح بينا كلنا، والكلام دا مش كلام معنوي لطيف بقوله لكم، مبعرفش أضحك على حد، ومبعرفش مكونش أمين ومبعرفش مكونش صادق والدولة مش هتطلع لقدام إلا بتحطيم الفجوة بتاعت الدولار.
وأكد الرئيس عبد الفتاح السيسي، أنه لا يمتلك مصلحة الوطن وحده، قائلا: محدش يقدر يقول إني أنا بس أمتلك مصلحة الوطن، ومش من حق حد يتهم أي شخص بالخيانة أو العمالة أو الجهل.
