سوسن بدر: أنا شخصية بحب المخاطرة.. وحبيت في بابا المجال اللغة والسجع في الكلام
حلت الفنانة سوسن بدر ضيفة في برنامج أسرار النجوم مع الإعلامية إنجي علي، وتحدثت عن انتقادات مسلسل بابا المجال ومخاوفها من كل عمل.
وقالت سوسن بدر خلال برنامج أسرار النجوم: أي مكان في محبة وتلاقي في صدق وخير ومفيش شر إطلاقًا، ولكن أي مكان في ناس مش حاسة منهم بمحبة ابعدي عنهم، وهذا ينطبق على عملنا.. ولما بتشوفي مسلسل موضوعه بسيط وتتبسطي ده بيكون نابع من خلف الكاميرا.. وعشان كده بقول أن اللي بينجحنا الناس اللي ورا الكاميرا.
سوسن بدر: أنا شخصية بحب المخاطرة.. وبخاف من كل عمل جديد
وأضافت سوسن بدر: أنا شخصية بحب المخاطرة، ولكن مازلت بخاف من كل عمل جديد وقبل وبعد كل مشهد بقول هل هعرف أوصل الرسالة والفكرة اللي في الموضوع أم لا، وأول حاجة ببحث عنها في الاسكريبت هو الموضوع، ولا أحب تكرار أدواري.
وعن دورها في مسلسل بابا المجال والانتقادات التي واجهت العمل، قالت سوسن: من حق الفنان سواء كان كاتبًا أو ممثًلا إنه يفكر بشكل مختلف ويقدم أفكار جديدة ومختلفة.. وعجبتني اللغة والسجع في الكلام وفيها شكل جديد.
واستكملت حديثها: شخصية زهيرة من الأدوار اللي أحببتها جدًا، وفيها مني الكثير حبها لأولادها، ولكن زهيرة واعية ومتصوفة وتربت بشكل معين، ومع ذلك في بينها وبين ابنها حالة ودودة فأحببت هذه الحالة.
