أورتيجا لـ عمرو مصطفى: لينا جمهور يسفلت الكرة الأرضية وأنت بتهين ناس ابتكرت مزيكا جديدة
علق مؤدي المهرجانات أورتيجا، على التصريحات الأخيرة للفنان عمرو مصطفى، التي أشار خلالها إلى أن لون المهرجانات الشعبي قائم على السرقة فقط، ويرفض رفضًا قطعيًا التعاون مع أي مؤدي مهرجانات.
أورتيجا: يعني أنا طلعت حرامي بعد السنين دي كلها
وشارك أوريتجا، متابعيه، جزء من حديث عمرو مصطفى، عن مطربي المهرجانات، عبر حسابه الشخصي بموقع انستجرام، وعلق عليه قائلًا: لا والله ا، والله يا أستاذ عمرو يا كبير إحنا مش حرامية ومتجمعش، وزاي ما أنت في الخليج وأوربا إحنا من عشر سنين في الخليج وأوربا ولينا جمهور يسفلت الكرة الأرضية.
تابع أورتيجا: تيجي أنت في ثانية تطلعنا حرامية، يا أستاذ إحنا صناع، وصناع لمطربين كبار في الوسط الفني، حضرتك متجمعش على حد قول على اللي سرقك أتكلم عنه بعد أذن حضرتك.
أورتيجا: زعلتني من طريقة كلامك عننا
استكمل أورتيجا: عمال أقول حضرتك وأنت تقول حرامية وبنتباها بيك إنك مصري وحد عظيم متخليش الواحد يكره نفسه بقى والله العظيم، أنت بتهين ناس ابتكرت مزيكا، جديدة طالعة من مصر مصرية الصنع والعالم كله، بيتحاكه بيها في ثانية عيب والله بجد.
أضاف أوريتجا: أنا لا بتاع تريند ولا بتاع سيط، ولا بتدخل في أي حاجة ولكن أنت بتسرق كل الناس لمجرد أن حد خد منك لحن أو أتنين أمشي قانوني زي ما حضرتك بتقول، بس أنت متغلطش في كل الناس، لأن في ناس بتصنع محتوه من لحن لكلام لمزيكا، وبتنزل وتسجل قانوني، وبتنجح نجاح كبير، زي ما أعمالك ما بتنجح بالظبط.
واختتم أورتيجا حديثه قائلًا: فى أرجوك أنا بحبك وأنت زعلتني من طريقة كلامك عننا، والناس اللي ملهاش ذنب في اللي حضرتك بتقوله أنا حاولت أوصل لحضرتك معرفتش فقولت أقولك هنا.
