أبرز تصريحات تامر عاشور التلفزيونية | سارة الطباخ منتجة الفنكوش.. وهيفاء وهبي مؤدية مش مطربة
حل الفنان تامر عاشور ضيفًا على أحد البرامج التلفزيونية، وتحدث عن العديد من الموضوعات في الوسط الفني وحياته الشخصية، منها علاقته بالمنتجة سارة الطباخ ورأيه في الفنانة اللبنانية هيفاء وهبي، وإمكانية دخول ابنته الوسط الفني.
أبرز تصريحات تامر عاشور التلفزيونية
ـ أرفض أن بنتي تغني أو تدخل عالم الفن.. لو ولد هسيبه إن شاء الله يغني في الأفراح.
ـ هبقى رافض لأن الوسط له متاعب كتير زي أنك تسهر وتسيب دراستك.
ـ سارة الطباخ منتجة الفنكوش.. ومايهمنيش تزعل مني ومقولتش أهلًا بالشغل معاها.
ـ كنا مضينا عقد على أساس خطة معينة ومفيش حاجة اتنفذت.. لما بدأت أشوف شغلي بدأت تقاضيني.
ـ سارة الطباخ من رحمة ربنا عليها إني مكملتش في القضية.
ـ كان في خلافات بيني وبين محسن جابر، لكن هو أب روحي للفن المصري.
ـ ممكن أرجع في أي وقت أشتغل معاهم تاني.. وصوت الفن بيتي.
ـ بخاف دايما أن يكون المزيكا بتاعتي تبقى مش مواكبة.. وده بخاف منه من أول طريقي.
ـ لو جالي أي واحد مؤدي مهرجانات وطلب أغنية من ألحاني أديله لحن لو صوته كويس.
ـ عمر كمال وشاكوش وحمو بيكا محدش فيهم بيغني اللون اللي بعمله خالص.
ـ لو حد هيسيب حتته ممكن يبقى عمر كمال وهو اللي بيغني.
ـ لو جالي حد طلب مني مهرجانات مستحيل أوافق على المشاركة فيها.
ـ تفاخرت لما دخلت الجيش.. لكن مقلتش أني المطرب المشهور.
ـ هيفاء وهبي مؤدية وهي عارفة كويس ومستحيل تزعل.
ـ معرفش ولا أغنية لـ مايا دياب.. لكن هيفاء اشتغلت معاها وعملت معاها أغنية صباحو ورد.
انفصال تامر عاشور عن زوجته
انفصل تامر عاشور عن زوجته سمر أبو شقه، خلال الأيام الماضية، وذلك بعد حدوث عدة أزمات ومشاكل بينهم في الفترة الأخيرة، وصرح تامر خلال تصريحاته التليفزيونية، إنه مرتبط في الفترة الحالية.
