بسمة عن تقديم حريم كريم 2: بعد 18 عاما بقينا ناضجين إنسانيا وفنيا | فيديو
تحدثت الفنانة بسمة عن فيلم حريم كريم 2 وكواليس شخصية دينا مندور التي تقدمها خلال العمل، وإلى جانب حديثها رأيها في تقديم جزء ثان من الفيلم.
وقالت بسمة خلال حوارها مع القاهرة 24: أكيد كنت خايفة قبل ما أدخل الفيلم.. زيه زي أي شغل جديد، ولقتها فرصة أعرف مين دينا مندور اللي حبيتها من 18 سنة، وعايزه أعرف حياتها بقت عاملة إزاي.
وأضافت بسمة: زينب عزيز المؤلفة والمخرج علي إدريس حكولي عن الشخصية، ولقيت فيلم كامل متكامل مش معتمد على الجزء الأول.
وعن رأيها في تقديم جزء ثان من الفيلم بعد 18 سنة، علقت بسمة: في أفلام كتير ليها أجزاء تانية وعالمية في هيوليود، والأجزاء بتتعمل بفارق زمني كبير.
واختتمت بسمة حديثها عن كواليس العمل، قائلة: فيه ذكريات بينا كتير وفيه نوستالجيا كبيرة للحظات فاتت.. وفيه نضج فني أزيد عن زمان، ونضج إنساني وبنتعامل مع كل شوت بطريقة مختلفة.
فيلم حريم كريم 2
يضم فيلم حريم كريم 2 عددا كبيرا من النجوم أبرزهم، مصطفى قمر، داليا البحيري، بسمة، بشرى، علا غانم، تيام مصطفى قمر، رنا رئيس، وغيرهم من الفنانين، وتدور أحداثه في إطار اجتماعي كوميدي.
