نرمين الفقي: عمري ما قفلت قلبي وعاوزة راجل متدين علشان يحافظ عليا |فيديو
كشفت الفنانة نرمين الفقي مواصفات شريك أحلامها، مؤكدة أنها لم تقفل باب الزواج، مشيرة إلى أنها لم تجد الشخص المناسب.
الراجل الصح بيحلي الست وبيصغرها
وقالت نرمين الفقي، إنها لا تتفق مع مقولة الرجل يطفي الست، قائلة: الراجل الصح مع الست الصح بيحليها وبيصغرها وبيخلي نفسيتها مرتاحة، لإن من الصعب الست تعيش ست وراجل في نفس الوقت، وأنا للأسف بعيش ست وراجل بعمل كل حاجة وبدخل في كل حاجة ودي حاجة مرهقة جدًا.
عمري ما قفلت قلبي
وأكدت نرمين الفقي أنها لم تقفل باب الزواج، قائلة: عمري ما قفلت قلبي وكل واحدة فينا عندها الأمومة والأنوثة، ولكن لما يجي ابن الحلال اللي يقدر يخيلها تقدم على الزواج؛ لإن الواحدة لما تشتغل وتنجح بتكون عاوزة راجل قوي وجامد تتسند عليه علشان تخلع رداء الرجولة ولا تبقى سوى امراة.
الزواج رزق وهيجي بإذن الله
وأضافت نرمين الفقي: بيجي لي عرسان ولكني مش كل يوم بنزل وبخرج ومش بدي نفسي الفرصة إني أقابل أشخاص، وفي الآخر ده رزق هيجي هيجي بإذن الله.
نرمين الفقي تتحدث عن مواصفات شريك أحلامها
وعن مواصفات شريك أحلامها قالت: يكون متعلم ومثقف وابن اصول وأهله مربينه صح ومتدين مش مجرد كلمة علشان يقدر يحافظ عليا ومش متدلع ولا سليط اللسان.
ومن ناحية أخرى، تحدثت نرمين الفقي عن رأيها في عودة حلا شيحة للتمثيل مرة أخرى، قائلة: أنا بحب حلا سواء تعتزل أو تقعد في البيت أو تتحجب، أنا بحبها على الصعيد الإنساني لإنها لطيفة ومتصالحة مع نفسها وده اللي شفته منها، ولها مطلق الحرية إنها ترجع تاني، ودكتور أشرف زكي فوق راسي لإنه راجل بمعنى الكلمة أخد القرار المظبوط، وفي النهاية هي حرية شخصية والفن موهبة من عند ربنا مش من حق حد يخمدها وده قرارها وحياتها، وفي النهاية هي ماعملتش حاجة مخلة بالشرف والأمانة.
