غادة إبراهيم: لما جوزي السابق قال لي ممنوع البوس واللبس الأوفر وافقت لأن رضا الزوج من رضا الرب
قالت الفنانة غادة إبراهيم إنها كانت حريصة على رضا زوجها السابق، مشيرة إلى أن رضا الزوج من رضا الرب.
وقالت غادة إبراهيم في لقاء تلفزيوني: لما جوزي اتجوزني قال لي حبيبتي أنا وضعي حساس مفيش بوس لزمايلك ولا لبس أوفر، قلت له طبعًا يا حبيبي أنا يهمني أرضيك لأن رضا الزوج من رضا الرب، وجم زمايلي يسلموا عليا قلت لهم عندي برد وواحد تنمر عليا وقال لي يعني أنت دلوقتي مش بتبوسي، وبعد ما انفصلنا رجعت تاني، لأن أنا يهمني رضا رجلي.
أنا مثيرة للجدل من عند ربنا
من ناحية أخرى، تحدثت غادة إبراهيم عن سبب إثارتها للجدل قائلة: الكايرزما من عند ربنا، وأنا مثيرة للجدل من عند ربنا، لأن في ناس حطاني في دماغها وناس حباني والناس عاوزة تعرف غادة فين وبتعمل إيه لأني عندي مصداقية وصراحة مش فايك واللي في قلبي بقوله.
وأضافت غادة إبراهيم: بقى لي 20 سنة في الوسط محدش سمع عني والتنمر حصل في السنوات الأخيرة لأن نجمي طلع وبقيت لذيذة وبطلع في المهرجاانات وبعمل أعمال عربية داخل وخارج مصر وفي نفسنة، وفي حيزبونات ومنفسنين، وعندي أعداء من الوسط الفني والإعلامي ومن كل حتة.
وتابعت عن سبب غيرة البعض منها: لما اتعزم في مهرجان وامشي على الريد كاربت بتاريخي الصغير، وواحدة نجمة سوبر ستار بقى لها 40 سنة في الفن، تدخل على الريد كارب بأردافها وباللغد مش بتصرف نقطة بوتوكس فاكرة ان تاريخها هيشفع عليها، ولو عندي ربع الملايين اللي عند النجمة دي هكون أحلى من هيفا وأكيد مش هسيب نفسي كده، وأنا ضد أغير في خلقتي، لكن بوتكس كل ست شهور علشان شكلي يكون لذليذ لأن ده راس مالي.
