خايفة من الجواز وتأخر الإنجاب مش كارثة.. أبرز تصريحات عائشة بن أحمد
حلت الفنانة التونسية عائشة بن أحمد، ضيفة على الإعلامية لميس الحديدي، في برنامج كلمة أخيرة، المذاع عبر قناة ON، وتحدثت خلال الحلقة عن دورها الأخير في مسلسل مذكرات زوج، كما كشفت تفاصيل شخصية عن حياتها، بجانب الحديث عن أسباب عدم زواجها حتى الآن.
ونستعرض في السطور التالية أبرز تصريحات عائشة بن أحمد خلال الحلقة:
-فيه تشابه بيني وبين شخصية شيرين في مذكرات زوج لأني شخصية مسؤولة وبحب كل حاجة تتعمل بريفكت.
-درست الشخصيات اللي بتحب السيطرة زي شيرين لقيتهم ضعاف من جوة وشخصيات هشة.
-مقبلش إن الراجل يسيطر عليّ أو أسيطر عليه ولازم يكون في توازن في العلاقة.
-طارق لطفي طيب ومحترم ومش عايش في دور النجم والشغل معاه مريح جدا وبحبه من قلبي.
-عدم التواصل والعند والاستهسال وضمان الوجود الدائم أهم أسباب هدم العلاقات.
-أنا خايفة من الزواج لأنه محتاج مجهود كبير من الطرفين وخايفة أتعب أو أتوجع.
عائشة بن أحمد: تأخر الإنجاب مش كارثة
-أمي تفهمت فكرة إني مش عايزة أتجوز دلوقتي وبطلت تقولي عايزة أفرح بيكي.
ـ لو ظهر شخص حبيته ويستحق هقدم على خطوة الزواج.
-مواصفات فتى أحلامي إنه يكون شخص مثقف وواعي ويفهم الأفلام اللي تعبت فيها.
-أنا شخصية مش مادية ولكن لازم يكون شريك حياتي في نفس مستوايا عشان مايحصلوش عقد نفسية.
-أي علاقة بتحتاج مجهود من الطرفين لكن فكرة الضمان وأنها بتاعتك دي مش صح.
-بكره الكذب ومفيش حاجة اسمها كدبة بيضا لكن عادي إن الإنسان يرفض يتكلم في مواضيع معينة في حياته.
-شخصية أمينة في مسلسل لعبة نيوتن كانت تركيبة جديدة على المُشاهد العربي وجريئة.
-عندي مشكلة في العصبية ولجأت لـ لايف كوتش عشان ده ميأثرش على شغلي.
-سيد رجب زي النسمة في التصوير وبيتعامل زي الطفل ومتواضع جدا ومش عارف حجمه.
-ببذل مجهود كبير عشان ميتقالش عليّ وجه جميل بس.. وبفرح لما الناس تشوفني بمثل عشان موهبتي وقدراتي.
-بعد وفاة والدي حسيت إن ضهري اتكسر وجبت ماما تعيش معايا في مصر.
-تأخر الإنجاب مش كارثة بعد وجود حل تجميد البويضات والتبني وحتى لو محصلش خلفة فهي مش نهاية الحياة وهفضل مبسوطة.
