أحمد العوضي: أؤمن بمصطلح السينما النظيفة.. وكلمة أحلى على الأحلى لا تسيء للذوق العام
كشف الفنان أحمد العوضي، رأيه في مصطلح السينما النظيفة، مؤكدًا أنه يؤمن به لأنه من المهم تقديم أعمال سينمائية للجمهور، غير خادشة للحياء.
وقال أحمد العوضي، خلال ندوته في القاهرة 24: أنا مؤمن إن في حاجة اسمها سينما نظيفة، لأن إيه المشكلة إني أعمل فيلم من غير ما أخدش حياء المشاهد، بس في ناس بتطلع تقول إن السينما سينما ومفيش حاجة اسمها سينما نظيفة، وإن لو مش عاجبك السينما بكل حالتها يبقى سيب الشغلانة، لأ مش هسيبها، وهفضل مقتنع بالمصطلح ده.
وتابع أحمد العوضي: لو مفيش سينما نظيفة يبقى مش هيكون في فرق بين السينما بتاعتنا وبين سينما المنصات العالمية، اللي بتشجع على موضوعات أنا محبش ابني أو أخويا الصغير يتفرج عليها.
وأضاف العوضي: السينما النظيفة بتشمل موضوعات كتيرة ومتنوعة، زي الأكشن والدراما والكوميديا، وإني أطلع أعمل أكشن وأضرب حد زي في مسلسلاتي مثلا، ده مفيهوش حاجة غلط لأني ما أسأتش للذوق العام.
أحمد العوضي: كلمة أحلى على الأحلى لا تسيء للذوق العام
واختتم حديثه قائلًا: المشاهد بيشوف بالفعل، في الشارع ناس بتضرب بعض، وأفلام الأكشن موجودة من أيام ما اتوجدت السينما، ولما أقول أحلى على الأحلى ده ميسيئش للذوق العام في حاجة.
آخر أعمال أحمد العوضي
يذكر أنه حقق أحمد العوضي نجاحا كبيرا، في موسم رمضان الماضي 2023، من خلال مسلسل ضرب نار، وضم العمل عدد من الفنانين، بجانبه والفنانة ياسمين عبد العزيز، من بينهم الفنانة سهير المرشدي، إنتصار، ماجد المصري، وغيرهم.
