أحمد العوضي: هعمل دور تاني لما أطلع على المعاش.. ومفيش حاجة تضطرني أعمله
كشف الفنان أحمد العوضي، رأيه في فكرة تقديمه لدور ثانٍ، بعد أن نجح في أدوار البطولة، مؤكدًا أنه يمانع ذلك.
وقال أحمد العوضي، خلال ندوته في القاهرة 24: ممكن أوافق أعمل دور تاني بعد ما أتم الـ 60 سنة وأطلع معاش، أبقى أفكر في الدور التاني، لكن إيه اللي يخليني أعمل في نفسي كده مدام بعمل أدوار بطولة وبتنجح، هشتغل دور تاني مع الباتشينو بقى.
وكان علق أحمد العوضي، على حديث بعض من الجمهور بأن الفنان غني دون أن يتعب في ذلك، وقال: أنا بعذر الناس اللي بتقول الممثل غني ومعاه فلوس ومش بيتعب، ومينفعش أستفزه وأطلع أقول أنا عليّ أقساط، لأن فيه ناس فعلا حالتها المادية صعبة.
وأضاف العوضي: فيه ناس بتكون بتشتغل شغلانات مرهقة وصعبة وفي الآخر بيقبض فلوس ميقدرش يصرف بيها على ولاده، وفي نفس الوقت بيشوف إن الممثل بيكسب فلوس كتير برغم إنه مش بيتعب نص التعب اللي هو بيتعبه.
آخر أعمال أحمد العوضي
حقق أحمد العوضي نجاحا كبيرا مؤخرا، في موسم رمضان الماضي 2023، من خلال مسلسل ضرب نار، الذي شاركته في بطولته، زوجته الفنانة ياسمين عبد العزيز، ومجموعة من الفنانين، أبرزهم الفنانة سهير المرشدي، أحمد غزي، انتصار، إسراء رخا، إيمان السيد، ماجد المصري، أحمد بدير، ضياء عبد الخالق، مها نصار، ومن إخراج مصطفى فكري.
