أحمد سعد بعد الهجوم عليه بسبب ملابسه الشفافة: مش هظهر كده تاني.. ولو فيه حاجة شبك هخيطها بإيدي
علق الفنان أحمد سعد على الهجوم الذي تعرض له بعدما ظهر بملابس شفافة في حفل بمدينة جدة بالمملكة العربية السعودية.
وقال أحمد سعد على هامش حضوره حفل توزيع جوائز ميدل إيست ميوزك أورد MEMA في مدينة العلمين الجديدة: أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومرضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو فيه حاجة شبك هخيطها أنا على إيدي.
وأضاف أحمد سعد: الناس شايفاني في حتة تانية وجوا بيوتهم وأسرهم، ياما ناس لبست كده ولبست حاجات تانية، ولكن أنا مش من الناس اللي بتصر على الحاجات الغلط وبطلع أقول أنا غلط.
أما عن مشاركته في حفل مشواري للكينج محمد منير، قال أحمد سعد: محمد منير من الحاجات الكبيرة جدًا بالنسبة لينا وبنتشرف بيها، وكان شرف ليا إني أكون موجود في حفله التاريخي، وده شخص أنا قولت أنه أسطورة من الأساطير.
وأعرب أحمد سعد عن سعادته بتكريم هاني فرحات في حفل الميما، قائلًا: هاني فرحات مايسترو كبير وعظيم أوي، وجالي صورة من الحفل وأنا متأثر وفعلًا عيطت على الحاجات الجميلة اللي قدمها المايسترو هاني فرحات والكينج محمد منير.
أعمال أحمد سعد
يشار إلى أن أحمد سعد انتهى مؤخرًا من تصوير أجدد أعماله الغنائية التي تحمل اسم الفلوس الذي من المقرر طرحها قريبًا عبر جميع المنصات.
