بقالي فترة مبغنيش ببلاش.. أحمد سعد يمازح مقدمة حفل الـ MEMA بعد طلبها منه تقديم أغنية
أدى الفنان أحمد سعد مجموعة من أبرز أغانيه أمس، بحفل توزيع جوائز ميدل إيست ميوزك أورد MEMA، في مدينة العلمين الجديدة، وتفاعل معه الحضور بشكل كبير.
وبعد أن أدى الفنان أحمد سعد أغنيتين في الحفل، طالبه أحد أعضاء لجنة تحكيم المهرجان، بأداء أغنية أخرى.
ومازح أحمد سعد مقدمة الحفل، بعد طلبها تقديمه أغنية، قائلًا: بقالي فترة مبغنيش ببلاش، كده أوردر كامل، لأ ليكوا أغنيتين، ولجنة التحكيم طالبة مني أغنية.
كما أعرب الفنان أحمد سعد عن سعادته الشديدة لحصوله على 3 جوائز بـ حفل توزيع جوائز ميدل إيست ميوزك أورد MEMA في مدينة العلمين الجديدة، ممازحًا: كنت قوليلي طيب أجيب حاجة آخد فيها الـ 3 جوائز، حاجة أشيل فيها يعني.
أحمد سعد يهدي الـ 3 جوائز لصناع أغانيه
وأهدى الفنان أحمد سعد الجوائز إلى صناع أغانيه، ومنهم منة عدلي القيعي، أحمد طارق يحيى، محمد محسن جابر، إذ قال: بصراحة مهرجان عظيم جدًا، كل ما بنقابل حد من الشارع، حلو برافو عليك الأغنية ديه، وبرافو عليك إنك عملتها، ميعرفوش إن فيه وراها ناس كتير جدًا، هما اللي عاملينها، وهو ده احساسهم، وهي ديه أغانيهم، ولازم يتكرموا، فأنا بهدي الجوائز ديه لـ منة عدلي القيعي، وأحمد طارق يحيى، والأستاذ محسن كامل، والجائزة ديه ليك يا محمد محسن جابر، لأننا تعبنا جدًا علشان نعملكم الحاجات ديه اللي إنتوا بتحبوها.
